भाजपचे अध्यक्ष राजनाथ सिंग हे लखनऊ लोकसभा मतदारसंघातून निवडणूक लढवीत असून त्यांनी शनिवारी काँग्रेसचे ज्येष्ठ नेते नारायण दत्त तिवारी यांची भेट घेऊन त्यांचे आशीर्वाद घेतले.तिवारी यांच्या निवासस्थानी जाऊन राजनाथ सिंग यांनी त्यांच्या पायाला हात लावून नमस्कार केला आणि त्यांच्याकडून आशीर्वाद घेतले. आपण विधानसभेचे सदस्य असताना तिवारी विरोधी पक्षनेते होते. आपण त्यांच्या निवासस्थानी गेल्यावर ते उठून उभे राहिले आणि त्यांनी आपल्याला आशीर्वाद दिला. आपण राज्याचे भवितव्य आहात, असे तिवारी या वेळी म्हणाल्याचे राजनाथ सिंग यांनी वार्ताहरांना सांगितले.
