सोनियांची संपत्ती अवघी ९ कोटी; राहुल गांधींना दिले ९ लाखांचे कर्ज!

काँग्रेस अध्यक्षा सोनिया गांधी यांनी आज(बुधवार) रायबरेली मतदार संघातून लोकसभा उमेदवारी अर्ज दाखल केला. त्यासोबत दिलेल्या प्रतिज्ञापत्रानुसार त्यांच्याकडे एकूण ९ कोटी २८ लाखांची संपत्ती असल्याचे यात म्हटले आहे.

काँग्रेस अध्यक्षा सोनिया गांधी यांनी आज(बुधवार) रायबरेली मतदार संघातून लोकसभा उमेदवारी अर्ज दाखल केला. त्यासोबत दिलेल्या प्रतिज्ञापत्रानुसार त्यांच्याकडे एकूण ९ कोटी २८ लाखांची संपत्ती असल्याचे यात म्हटले आहे.
विशेष म्हणजे, त्यांनी राहुल गांधी यांना ९ लाखांचे कर्ज दिले असल्याचेही प्रतिज्ञापत्रात नमूद करण्यात आले आहे. सोनिया गांधींची २ कोटी ८० लाखांची जंगम मालमत्ता आणि ६ कोटी ४७ लाखांची स्थावर मालमत्ता अशी एकूण मिळून ९ कोटी २८ लाखांची संपत्ती आहे. तसेच सोनियांकडे स्वत:ची कार नाही.
मागील लोकसभा निवडणूकीवेळी सोनियांनी दाखल केलेल्या प्रतिज्ञापत्रातील मालमत्तेच्या आकडेवारी पेक्षा यावेळीची आकडेवारी सहा पटींनी वाढली आहे. काँग्रेसच्या सुत्रांनी दिलेल्या माहितीनुसार, मागच्या वेळेस प्रतिज्ञापत्रात सोनियांच्या मालमत्तेची नोंद पुस्तकी मूल्याला अनुसरून दाखल केली होती मात्र, यावेळी नव्या नियमांच्या आधारे बाजारभावानुसार मालमत्तेची नोंद करण्यात आल्यामुळे याआधीच्या आणि सध्याच्या नोंदीत सहा पटींची तफावत दिसत आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

Web Title: Sonias assets worth over rs 9 crore has given a loan of rs 9 lakh to rahul