News Flash

महाराष्ट्रात २४ तासात १००८ नवे करोना रुग्ण, २६ मृत्यू, संख्या ११ हजार ५०० च्याही वर

आज १०६ रुग्णांना डिस्चार्ज देण्यात आला आहे

महाराष्ट्रात २४ तासात १००८ नवे करोना रुग्ण पॉझिटिव्ह आढळले आहेत. तर २६ जणांचा मृत्यू झाला आहे. महाराष्ट्रातील करोनाग्रस्तांची संख्या ही आता ११ हजार ५०६ इतकी झाली आहे. आज १०६ रुग्णांना डिस्चार्ज देण्यात आला. आत्तापर्यंत १८७९ रुग्णांना डिस्चार्ज देण्यात आला आहे. महाराष्ट्राच्या आरोग्य विभागाने ही माहिती दिली आहे.

२४ तासांमध्ये झालेल्या २६ करोना रुग्णांच्या मृत्यूंपैकी १० मृत्यू पुण्यात, ५ मुंबईत, ३ जळगावात, १ पुणे जिल्ह्यात, १ सिंधुदुर्गमध्ये, १ नांदेडमध्ये, १ भिवंडीत, १ ठाण्यात, १ औरंगाबाद आणि १ मृत्यू परभणीत झाला आहे. मुंबईतील एका उत्तर प्रदेशात राहणाऱ्या व्यक्तीचाही मृत्यू नोंदवला गेला आहे.

मृत्यू झालेल्या २६ रुग्णांमध्ये १८ पुरुष तर ८ महिला होत्या. यातले १४ जण हे ६० वर्षांच्या वरील वयाचे होते. यातले ११ रुग्ण हे ४० ते ५९ या वयोगटातले होते. २६ पैकी १५ रुग्णांना मधुमेह, उच्च रक्तदाब, हृदयविकार असे गंभीर स्वरुपाचे आजार होते.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 1, 2020 8:42 pm

Web Title: 1008 new corona positive cases in maharashtra today state tally now 11506
टॅग : Coronavirus
Next Stories
1 Lockdown: कोणता जिल्हा कोणत्या झोनमध्ये? ही घ्या संपूर्ण यादी
2 महाराष्ट्र दिनी आरोग्यमंत्री राजेश टोपे यांची जनतेला आरोग्यदायी भेट!
3 उद्धव ठाकरेंच्या कामकाजावर पहिल्यांदाच राज ठाकरेंची प्रतिक्रिया, म्हणाले….
Just Now!
X