महाराष्ट्रात १२ हजार ६१४ नवे करोना रुग्ण आढळले आहेत. तर ३२२ मृत्यूंची नोंद मागील २४ तासांमध्ये झाली आहे. मागील २४ तासांमध्ये ६ हजार ८४४ रुग्णांना डिस्चार्ज मिळाला आहे. महाराष्ट्रातली करोना रुग्णांची संख्या ही आता ५ लाख ८४ हजार ७५४ इतकी झाली आहे. यापैकी ४ लाख ८ हजार २८६ रुग्णांना आजवर डिस्चार्ज देण्यात आला आहे. तर १९ हजार ७४९ रुग्णांचा मृत्यू झाला आहे. तर महाराष्ट्रात सध्याच्या घडीला १ लाख ५६ हजार ४०९ अॅक्टिव्ह केसेस आहेत. 12,614 new #COVID19 cases, 6,844 recoveries & 322 deaths reported in Maharashtra today, taking the total number of cases in the state to 5,84,754 including 1,56,409 active cases, 4,08,286 cured cases and 19,749 deaths till date: Public Health Department, Maharashtra pic.twitter.com/BCb5uEd8Lp — ANI (@ANI) August 15, 2020 महाराष्ट्रात सध्याच्या घडीला १० लाख ४४ हजार ९७४ लोक हे होम क्वारंटाइन आहेत. तर ३७ हजार ५२४ लोक हे संस्थात्मक क्वारंटाइन आहेत. महाराष्ट्रातलं रुग्ण बरे होण्याचं प्रमाण अर्थात रिकव्हरी रेट हा ६९.८२ टक्के झाला आहे. तर राज्यातला मृत्यू दर हा ३.३८ टक्के इतका झाला आहे. अशी माहिती महाराष्ट्राच्या आरोग्य विभागाने दिली आहे.