लावणी सम्राज्ञी मंगला बनसोडे-करवडीकर लोकनाटय़ तमाशा कायम लोकप्रियतेच्या झोतात राहीला आहे. तमाशा सादरीकरणाचा सध्या हंगामा असून, गुढीपाडव्याच्या मुहूर्तावर नारायणगावला भरलेल्या तमाम तमाशा मंडळांच्या बोलीमध्ये मंगला बनसोडे -करवडीकर तमाशा मंडळाला सर्वाधिक रकमेची सव्वादोन लाखाची सुपारी मिळाली आहे.
महाराष्ट्रातील गावकारभा-यांची नारायणगाव येथे जत्रा भरते. आपल्या गावातील तमाशाची सुपारी देण्यासाठी येथील राहुटय़ांमध्ये या गावपुढा-यांची वर्दळ राहते. यंदा सुमारे सव्वा दोनशे तमाशा कार्यक्रमांच्या सुपा-या घेतल्या गेल्या. साधारणपणे ही उलाढाल दोन कोटींच्या घरात राहिल्याचे सांगितले गेले.
यंदा फडमालकांना महागाई अन् दुष्काळाचा फटका बसला. तुलनेत यंदा धिमा प्रतिसाद मिळाला. प्रत्येक फडमालकाला किमान ४ ते ५ गावपुढा-यांची आवताण मिळाली आहेत. मंगला बनसोडे-करवडीकर तमाशा मंडळापाठोपाठ रघुवीर खेडकर, तुकाराम खेडकर, पांडुरंग मुळे, मालती इनामदार, अंजली राजे-नाशिककर, कुंदा पुणेकर, लता पुणेकर यांच्या सुपा-या या यंदाच्या हंगामातील प्रमुख दिवशी बक्कळ रकमेच्या सुपा-या देणा-या ठरल्या आहेत. तमाशाची लोककला जिवंत ठेवणा-या वरील तमाशा व लावणी कलावंतांनी अवघ्या ग्रामीण जीवनावर आपली पकड कायम ठेवली आहे. त्यामुळेच महागाई आणि दुष्काळाच्या छायेतही तमाशाच्या कार्यक्रमांना चांगली मागणी रहात असल्याचे तमाशा कलावंत मोठय़ा अभिमानाने सांगतात.

 

sunil tatkare and ajit pawar devendra fadnavis morning oath
अजित पवारांच्या पहाटेच्या शपथविधीवर सुनिल तटकरेंचा मोठा खुलासा; म्हणाले, “आम्ही दोन्ही…”
Jayant Patil on Ajit Pawar comparision to Modi- Shah
‘तुलना कुणाशी करायची, याचं भान…’, अजित पवारांच्या ‘त्या’ दाव्यानंतर जयंत पाटील यांचा टोला
mhaisal yojana marathi news, mhaisal project sangli marathi news, mhaisal sangli jat taluka water issue marathi news
जतमध्ये पाण्यावरून राजकीय श्रेयवाद उफाळून आला
jewellery police pune
पुणे : रिक्षा प्रवासी महिलेचे सात तोळ्यांचे दागिने गहाळ; पाेलिसांच्या प्रयत्नांमुळे दागिन्यांचा शोध