27 February 2021

News Flash

उदयनराजेंच्या मागणीनंतर साताऱ्यातील शिवस्मारकाच्या सुशोभिकरणासाठी अडीच कोटी मंजूर

ऐतिहासिक वास्तूंचंही सुशोभीकरण होणार

सातारा येथील पोवई नाक्यावर छत्रपती शिवाजी महाराजांच्या स्मारकासाठी व ऐतिहसिक वास्तूंच्या सुशोभीकरणासाठी नियोजन मंडळातून अडीच कोटींचा निधी उपलब्ध करून देण्यासाठी जिल्हा नियोजन समितीतून अडीच कोटी रुपयांची भरीव तरतूद करण्याचे पालकमंत्री बाळासाहेब पाटील आणि जिल्हाधिकारी शेखर सिंह यांनी मान्य केल्याची माहिती  खासदार उदयनराजे भोसले यांनी दिली.

सातारा शहराला व जिल्ह्याला ऐतिहासिक पार्श्वभूमी आहे. इतिहासाच्या अनेक पाऊलखुणा अनेकांना प्रेरणा देत असतात. काही ऐतिहासिक वास्तू काळाबरोबर नामशेष झाल्या तर काही वास्तु आजही अस्तित्वात आहेत. या वास्तूंचे जतन करण्याचे काम हाती घेण्यात आले आहे. युगपुरुष छत्रपती शिवाजी महाराज यांच्या लौकिकास साजेसा पुतळा पोवईनाका येथे आहे. या परिसराचे सुशोभीकरण आणि चबुतऱ्याची उंची वाढवण्याचे काम हाती घेतले आहे.

या स्मारकाच्या दुसऱ्या टप्प्यातील कामास सुमारे अडीच कोटी रुपये आवश्यक आहेत. ही तरतूद जिल्हा नियोजन समितीतून तातडीने करण्यात यावी, याबाबत खासदार उदयनराजे भोसले यांनी पालकमंत्री आणि जिल्हा नियोजन समितीचे अध्यक्ष बाळासाहेब पाटील आणि जिल्हाधिकारी तथा नियोजन समितीचे सदस्य सचिव शेखर सिंह यांच्याकडे मागणी केली. त्यासाठी उदयनराजेंनी जिल्हाधिकारी शेखर सिंह यांची भेट घेऊन याबाबत चर्चा केली. यावेळी जिल्हा परिषदेचे माजी सभापती सुनील काटकर, गणेश भोसले, संग्राम बर्गे, राम हादगे, जितेंद्र खानविलकर उपस्थित होते. खासदार उदयनराजे भोसले यांनी मागणी मान्य केल्याबद्दल पालकमंत्री बाळासाहेब पाटील आणि जिल्हाधिकारी शेखर सिंह यांचे आभार मानले आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on December 19, 2020 8:10 pm

Web Title: 2 5 crore sanctioned for beautification of shiv smarak in satara after udayanraje demand scj 81
Next Stories
1 अंडी उधार दिली नाही म्हणून साताऱ्यात दोघांनी केली दुकानदाराची हत्या
2 राष्ट्रीय स्वयंसेवक संघाचे ज्येष्ठ नेते मा.गो. वैद्य यांचं निधन
3 राज्यातील शिक्षकांसाठी खूशखबर! जुनी पेन्शन योजना कायम ठेवण्याचा सरकारचा निर्णय
Just Now!
X