06 April 2020

News Flash

परभणीच्या वाढीव पाणीपुरवठय़ासाठी २१ कोटी मंजूर

शहरातील रखडलेल्या वाढीव पाणीपुरवठा योजनेस चालना मिळण्याची शक्यता निर्माण झाली असून, या योजनेसाठी शासनाकडून २१ कोटी रुपये देण्यात आले आहेत.

| August 14, 2014 01:20 am

शहरातील रखडलेल्या वाढीव पाणीपुरवठा योजनेस चालना मिळण्याची शक्यता निर्माण झाली असून, या योजनेसाठी शासनाकडून २१ कोटी रुपये देण्यात आले आहेत.
परभणी शहराच्या वाढीव पाणीपुरवठा योजनेचे काम निधीअभावी रखडले होते. ही योजना आता दीडशे कोटीहून अधिक रुपयांची असून या योजनेंतर्गत पहिल्या टप्प्याचे काम पूर्ण झाले आहे. महापौर प्रताप देशमुख यांनी या योजनेला गती मिळावी म्हणून वाढीव निधीसाठी पाठपुरावा केला होता. त्यानुसार उपमुख्यमंत्री अजित पवार यांनी हा वाढीव निधी देण्यासंदर्भात आश्वासनही दिले होते. त्यानुसार आता शहरातल्या वाढीव पाणीपुरवठा योजनेसाठी २१ कोटी रुपये प्राप्त झाले आहेत. जलशुद्धीकरण केंद्राचे बांधकाम, दोन जलकुंभ, अशुद्ध पाणी गुरुत्ववाहिनी, अंतर्गत पाइपलाइन अशी कामे यातून होणार आहेत. तसेच जलकुंभासाठी येथील उड्डाणपुलानजीक असलेल्या गोरक्षणच्या जागेचे अधिग्रहण करण्यात यावे यासंबंधीचा प्रस्ताव जिल्हाधिकाऱ्यांमार्फत शासनाला सादर करण्यात आला आहे. ही जागा लवकरच महापालिकेकडे हस्तांतरित होणार आहे. मिळालेला हा २१ कोटी रुपयांचा निधी खर्च झाल्यानंतर आणखी ३० कोटी रुपये वाढीव पाणीपुरवठा योजनेच्या कामासाठी मिळणार आहेत.
अनधिकृत बांधकाम; ११ जणांविरुद्ध गुन्हे
परभणी शहर महापालिका हद्दीत अनधिकृत बांधकाम केल्याप्रकरणी ११ जणांवर पोलिसात गुन्हे दाखल करण्यात आले आहेत.
परभणी अनधिकृत बांधकाम करणाऱ्यांवर गुन्हे दाखल करण्याची मोहीम महापालिकेने हाती घेतली आहे. या मोहिमेंतर्गत विनापरवाना व अनधिकृत बांधकाम केलेल्या रत्नाकर झांबरे, गुणवंत देशपांडे, अमरदीप खुराणा, अनिता तारे, प्रभाकर कामखेडकर, पंकज नखाते, पुरुषोत्तम कानचंदानी, चिंतामण गुंडेवार यांच्याविरुद्ध नवा मोंढा पोलीस ठाण्यात गुन्हे दाखल झाले असून, नानलपेठ पोलीस ठाण्यात धन्यकुमार ढोले, लक्ष्मण जाधव, सुरेश तिवारी यांच्यावर गुन्हे दाखल झाले आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 14, 2014 1:20 am

Web Title: 21 cr fund sanction for parbhani increase water supply
टॅग Fund,Parbhani
Next Stories
1 ‘कापूस वेचणीचे यांत्रिकीकरण किफायतशीर असण्याची गरज’
2 बालाजी इंगळे यांची ‘झिम पोरी झिम’ मोठय़ा पडद्यावर
3 मानधन कपातीविरोधात लढा देणाऱ्या ३५०० डेटा एंट्री ऑपरेटरना कमी केले
Just Now!
X