News Flash

आईच्या उत्तर कार्यासाठीचे २१ हजार रूपये मुख्यमंत्री सहाय्यता निधीला

भोसले यांनी साध्या पध्दतीने सर्व विधी आणि कार्य घरगुती स्वरूपात पार पाडले.

उद्धव ठाकरे

शहरातील सामाजिक कार्यकर्ते तथा राष्ट्रवादी युवक काँग्रेसचे जिल्हाध्यक्ष रणजित भोसले यांनी त्यांच्या मातोश्री प्रमिलाबाई भोसले यांच्या दशक्रिया आणि उत्तर कार्यावर होणाऱ्या खर्चाची २१ हजारांची रक्कम मुख्यमंत्री सहाय्यता निधीला देऊन सामाजिक बांधिलकी जपली आहे.

रणजित भोसले यांच्या मातोश्रींचे दोन एप्रिल रोजी निधन झाले. सध्या करोनाच्या महामारीने सर्वत्र टाळेबंदी सुरु आहे. एरवी दशक्रिया विधी आणि उत्तर कार्य केले असते तर साधारणत: २० ते २५ हजार रुपयांचा खर्च आला असता.

भोसले यांनी साध्या पध्दतीने सर्व विधी आणि कार्य घरगुती स्वरूपात पार पाडले. यातून शिल्लक राहिलेले २१ हजार रूपये भोसलेंनी मुख्यमंत्री सहाय्यता निधीला दिले आहेत.

करोनाच्या पार्श्वभूमीवर मुख्यमंत्र्यांनी करोनाग्रस्तांसाठी मदत करण्याचे आवाहन केले होते. त्यानुसार मुख्यमंत्री सहाय्यता निधीच्या खात्यात भोसले यांनी ही रक्कम जमा केली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 16, 2020 12:23 am

Web Title: 21 thousand rupees to the chief ministers assistance fund abn 97
टॅग : Coronavirus
Next Stories
1 करोनाविरुद्धच्या लढाईत स्वच्छाग्रहींतर्फे प्रात्यक्षिकांद्वारे जागृती
2 रायगडमधील करोनाबाधितांचा आकडा ३२वर
3 कोकणात मासेमारी पुन्हा सुरू होणार
Just Now!
X