13 August 2020

News Flash

नाशिक जिल्हयात अडकलेले 332 मजूर विशेष रेल्वेने भोपाळकडे रवाना

नाशिक जिल्ह्यातील करोनाबाधितांची संख्या 299 वर पोहचली आहे.

करोनाच्या पार्श्वभूमीवर राज्यातील लॉकडाउनचा कालावधी आज 17 मे पर्यंत वाढवण्यात आला आहे. दरम्यान लॉकडाउन सुरू झाल्यापासून देशातील विविध भागांमध्ये अनेक स्थलांतरित अडकलेले आहेत. याबाबत आता सरकारकडून निर्णय घेण्यात आला आहे. या मजुरांना त्यांच्या गावी पाठवले जात आहे.

या पार्श्वभूमीवर आज सायंकाळी नाशिक जिल्ह्यातील निवारा गृहांमध्ये असलेल्या मुळच्या मध्य प्रदेसमधील 332 मजुरांना मुंबईहून आलेल्या विशेष रेल्वेने भोपाळकडे रवाना करण्यात आले.

यावेळी जिल्हाधिकारी सूरज मांढरे, शहर पोलीस आयुक्त विश्वास नागरे-पाटील, उपजिल्हाधिकारी (निवारा सेंटर व्यवस्थापन ) नितीनकुमार मुंडावरे आदी उपस्थित होते. प्रवासी मजुरांमध्ये इगतपुरी येथील 152, नाशिक मनपा हद्दीतील 106 व नाशिक तहसील क्षेत्रातील 74 अशा 332 जणांचा समावेश आहे.

नाशिक जिल्ह्यातील करोनाबाधितांची संख्या 299 वर पोहचली आहे. यामध्ये नाशिक मनाप हद्दीतील 10 रुग्ण, नाशिक ग्रामीण हद्दीतील 12 रुग्ण,  मालेगावमधील 275 तर जिल्ह्याबाहेरचे दोन रुग्ण करोना पॉझिटिव्ह आहेत.

देशभरातील लॉकडाउन दोन आठवड्यांनी वाढवण्याची घोषणा केंद्र सरकारनं केली आहे. यासंदर्भात केंद्र सरकारनं एक पत्रक जारी केलं आहे. ३ मे रोजी लॉकडाउनचा दुसरा टप्पा पूर्ण होणार होता. त्यापूर्वीच पुन्हा एकदा लॉकडाउन वाढवण्याची घोषणा सरकारनं केली आहे. करोना व्हायरसच्या पार्श्वभूमीवर सरकारनं  लॉकडाउनचा कालावधी १७ मे पर्यंत वाढवण्याची घोषणा केली आहे. सर्व राज्यांमधील करोनाग्रस्तांची माहिती आणि त्याची समीक्षा केल्यानंतरच हा निर्णय घेण्यात आल्याचं सरकारकडून सांगण्यात आलं आहे. या लॉकडाउन दरम्यान रेड झोनमधील कोणत्याही भागांना सवलत देण्यात येणार नसल्याचं सरकारनं स्पष्ट केलं आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 1, 2020 10:05 pm

Web Title: 332 laborers stranded in nashik district sent to bhopal msr 87
Next Stories
1 रायगड जिल्ह्यात करोना बाधितांचा आकडा शंभरीपार, दिवसभरात १३ नवे रुग्ण
2 महाराष्ट्रात २४ तासात १००८ नवे करोना रुग्ण, २६ मृत्यू, संख्या ११ हजार ५०० च्याही वर
3 Lockdown: कोणता जिल्हा कोणत्या झोनमध्ये? ही घ्या संपूर्ण यादी
Just Now!
X