30 September 2020

News Flash

अकोल्यात ३९ नव्या करोनाबाधितांची भर, एकूण रुग्ण संख्या १७४२

मागील २४ तासांमध्ये २८ जणांची करोनावर मात

प्रतिकात्मक छायाचित्र

लोकसत्ता प्रतिनिधी
अकोला : जिल्ह्यात ३९ नव्या करोनाबाधित रुग्णांची सोमवारी भर पडली. जिल्ह्यातील एकूण रुग्ण संख्या १७४२ झाली आहे. दरम्यान, आज २८ रुग्णांनी करोनावर मात केल्यामुळे त्यांना सुट्टी देण्यात आली.

अकोला जिल्ह्यात करोनाच्या प्रकोप सुरूच आहे. गेल्या काही दिवसांमध्ये रुग्ण संख्येसोबतच करोनाबाधितांच्या मृत्यूचे प्रमाणही वेगाने वाढले. सुदैवाने आज एकाही मृत्यूची नोंद झाली नाही. मात्र, रुग्ण मोठ्या संख्येने वाढण्याचे सत्र कायम आहे. जिल्ह्यातील एकूण ३७४ तपासणी अहवाल आज प्राप्त झाले. त्यापैकी ३३५ अहवाल नकारात्मक, तर ३९ अहवाल सकारात्मक आले आहेत. सध्या ३६७ रुग्णांवर उपचार सुरू आहेत. आतापर्यंत ८९ रुग्णांचा मृत्यू झाला असून, त्यात एका आत्महत्येचा समावेश आहे. दरम्यान, सर्वोपचार रुग्णालयातून आज दुपारनंतर १० जणांना, तर कोविड केअर केंद्रातून १८ अशा एकूण २८ रुग्णांना सुट्टी देण्यात आली. जिल्ह्यात आतापर्यंत १२८६ रुग्णांनी करोनावर मात केली आहे.

आज दिवसभरात ३९ जणांचे अहवाल सकारात्मक आले आहेत. सकाळच्या अहवालात ३३ नवे रुग्ण आढळून आले. त्यात १७ महिला तर १६ पुरुष रुग्ण आहेत. त्यामध्ये बाळापूर येथील ११, बोरगाव मंजू येथील पाच, कारागृह वसतिगृह येथील तीन, पोळा चौक, सिंधी कॅम्प येथील प्रत्येकी दोन तर ज्ञानेश्वार नगर, मोठी उमरी, वानखडे नगर, कैलास नगर, आदर्श कॉलनी, वाशीम बायपास, महान, अकोट, खामगाव व वाशीम जिल्ह्यातील मालेगाव येथील रहिवासी प्रत्येकी एक रुग्ण आहे. सायंकाळच्या अहवालात सहा जणांचे अहवाल सकारात्मक आले. त्यात १३ महिन्यांच्या बालिकेसह तीन महिला, एक चार वर्षे व एक आठ वर्षीय बालकांसह तीन पुरुष आहेत. या रुग्णांपैकी चार जण गिता नगर येथील तर अन्य नानक नगर व कच्ची खोली येथील रहिवासी आहेत.

साडेबारा हजारावर नमुन्यांचे अहवाल
जिल्ह्यात आजपर्यंत एकूण १२७०६ जणांचे नमुने तपासणीसाठी पाठवण्यात आले आहेत. त्यात प्राथमिक तपासणीचे १२२९९, फेरतपासणीचे १५२ तर वैद्याकीय कर्मचाºयांचे २५५ नमुने होते. आजपर्यंत एकूण १२६१२ अहवाल प्राप्त झाले आहेत. एकूण नकारात्मक अहवालांची संख्या १०८७० आहे, तर सकारात्मक अहवाल १७४२ आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 6, 2020 9:03 pm

Web Title: 39 new corona positive patients in akola 28 cases recovered in last 24 hours scj 81
टॅग Coronavirus
Next Stories
1 मोदी सरकारने ओबीसींचं आरक्षण संपवण्याचा डाव रचला-प्रकाश आंबेडकर
2 साताऱ्यात करोना चाचणी प्रयोगशाळेस राज्य शासनाची मंजूरी : बाळासाहेब पाटील
3 यवतमाळ जिल्ह्यात करोनाबळींची संख्या १२ वर
Just Now!
X