News Flash

सलग तिस-या दिवशी कोल्हापुरात पाऊस

कोल्हापूर जिल्ह्य़ात सलग तिस-या दिवशी पावसाने हजेरी लावली. शहरात पावसाच्या तुरळक सरी कोसळल्या असल्या तरी काही भागात वादळी वा-यासह विजांच्या कडकडाटात पाऊस झाला.

| April 20, 2014 04:02 am

कोल्हापूर जिल्ह्य़ात सलग तिस-या दिवशी पावसाने हजेरी लावली. शहरात पावसाच्या तुरळक सरी कोसळल्या असल्या तरी काही भागात वादळी वा-यासह विजांच्या कडकडाटात पाऊस झाला. वीज कोसळल्याने कळंकवाडी (ता.राधानगरी) येथे शेतात काम करणा-या सुशीला बंडोपंत पाटील (वय ४८)या महिलेचा मृत्यू झाला.    
गेली दोन दिवस जिल्ह्य़ात पावसाने हजेरी लावली होती. पावसामुळे वातावरणात गारवा निर्माण झाला होता. पण आज सकाळपासून पुन्हा उकाडा सुरू झाला होता. वातावरणातील उष्मा पाहूनच सायंकाळी पावसाचे आगमन होणार याचा अंदाज वर्तविला जात होता. दुपारनंतर वातावरण ढगाळ झाले. सायंकाळी शहरात पावसाने हजेरी लावली. तथापी, कालच्या पावसाच्या तुलनेत आजच्या सरी मात्र अल्प प्रमाणात होत्या.     इचलकरंजी व परिसरात आज जोरदार पाऊस झाला. गेली दोन दिवस तेथे नुकताच शिडकाव होत होता. उकाडय़ाने हैराण झालेल्या नागरिकांना पावसामुळे थंडाव्याची अनुभूती मिळाली. रात्री उशीरापर्यंत पाऊस पडत असल्याचे वृत्त होते.
 

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 20, 2014 4:02 am

Web Title: 3rd day continuous rain in kolhapur
Next Stories
1 दूषित, अनियमित पाणीपुरवठय़ाबद्दल कोल्हापूर महापालिका सभेत गोंधळ
2 पारनेरमध्ये कांद्याचे भाव वधारले
3 बिबटय़ाच्या दहशतीने शिंदेद-या पंचक्रोशीतील ग्रामस्थ हवालदिल
Just Now!
X