संस्कृत भाषेचा प्रचार व प्रसार व्हावा तसेच विद्यार्थ्यांना या भाषेची गोडी लागावी, या हेतूने दादर येथील महर्षी व्यास प्रतिष्ठानतर्फे घेण्यात येणारी ‘अमरकोश पाठांतर स्पर्धा’ पनवेल येथील वि. खं. विद्यालयात नुकतीच पार पडली. या स्पर्धेत पनवेल, ठाणे, नवी मुंबई येथील शाळांतील तब्बल ५७० विद्यार्थ्यांनी सहभाग घेतला.  बालगटापासून इयत्ता दहावीपर्यंतच्या या गटवार स्पर्धेसाठी डीएव्ही पब्लिक स्कूल, महात्मा इंटरनॅशनल स्कूल सीबीएससी, महात्मा स्कूल ऑफ अ‍ॅकॅडेमिक अँड स्पोर्ट्स, आद्य क्रांतिवीर वासुदेव बळवंत फडके विद्यालय, के. वि. कन्या विद्यालय, वि. खं. विद्यालय, चांगू काना ठाकूर विद्यालय आदी शाळांतील विद्यार्थी उत्साहाने सहभागी झाले होते. सई कुलकर्णी, अंजली गोडबोले, श्रीराम वत्सराज, माया कदम, सुमुख नाईक, तृप्ती सोनवणे, स्मिता आपटे, श्रेयसी कर्वे, शंकर गोडसे, संध्या जाधव, प्रसाद जोशी, मनीषा शेवडे, ऋता परांजपे, स्मिता हर्डिकर यांनी परीक्षणाची जबाबदारी पार पाडली तर दिव्या देवळेकर, नीकिता जोशी, नेहा दातार, अपूर्वा गोखले, जागृती पवार आणि सुनंदा लखपती यांनी ही स्पर्धा यशस्वी होण्यासाठी विशेष परिश्रम घेतले.
या स्पर्धेत सहभागी होऊ न शकलेले इच्छुक विद्यार्थी दादर केंद्रावर राजा शिवाजी विद्यालय येथे २२ डिसेंबर रोजी होणाऱ्या स्पर्धेत सहभागी होऊ शकतील, अशी माहिती प्रतिष्ठानच्या कार्यवाह तरंगिणी खोत यांनी दिली.

Dates of 299 exams of Mumbai University summer session announced Mumbai
मुंबई विद्यापीठाच्या उन्हाळी सत्रातील २९९ परीक्षांच्या तारखा जाहीर; दोन लाखांहून अधिक विद्यार्थी परीक्षार्थी
कायद्याची पदवी, यूपीएससीसाठी सोडली सीएची नोकरी; जाणून घ्या IAS सोनल गोयल यांचा प्रेरणादायी प्रवास
Some results still pending post graduate law students regretting
मुंबई : काही निकाल अद्यापही रखडलेले, पदव्युत्तर विधि शाखेच्या विद्यार्थ्यांना मनःस्ताप
नागपूर ‘एम्स’मध्ये अधिष्ठाता पदांच्या निकषांना छेद ! कायद्यात अशी आहे तरतूद..