News Flash

Coronavirus: मिरा-भाईंदरमध्ये ६२ टक्के रुग्ण करोनामुक्त; शनिवारी ५५ रुग्णांना डिस्चार्ज

मोठ्या संख्येनं रुग्ण करोनामुक्त झाल्याने नागरिकांकडून आनंद व्यक्त करण्यात येत आहे.

संग्रहित छायाचित्र

एकीकडे करोनाग्रस्त रुग्णांच्या संख्येत वाढ होत असल्याने चिंता वाढत असताना दुसरीकडे करोनाग्रस्त रुग्ण बरे होण्याचं प्रमाण देखील वाढलं आहे. मिरा-भाईंदर शहरातील १६१ पैकी १०० रुग्ण बरे होऊन घरी परतले आहेत. विशेष म्हणजे शनिवारी एकाच दिवशी ५५ नागरिक करोनामुक्त झाल्याने नागरिकांकडून आनंद व्यक्त करण्यात येत आहे.

मिरा-भाईंदर शहरात करोनाबाधित रुग्णांची संख्या झपाट्याने वाढत आहे. शुक्रवारी समोर आलेल्या अहवालात चार नव्या रुग्णांची भर पडून हा आकडा १६१ वर पोहचला होता. त्यामुळे नागरिकांनी नियमांचे उल्लंघन केल्यास हा आकडा अधिक वाढण्याची भीती प्रशासनाने व्यक्त केली होती.

परंतू, शनिवारी एकाच दिवशी पंडीत भेमसेन जोशी रुग्णालयातील ५५ रुग्ण करोनामुक्त झाल्याची दिलासादायक बाब समोर आली. त्यामुळे आत्तापर्यंत शहरातील १६१ पैकी १०० रुग्ण करोनामुक्त झाल्याचे प्रशासनाकडून स्पष्ट करण्यात आले. तसेच नागरिकांनी घरातच राहून चिंता न करता करोनाशी लढा द्यावा, असे आवाहन प्रशासनाकडून करण्यात येत आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 2, 2020 1:37 pm

Web Title: 62 percent patients in mira bhayandar are corona virus free discharge to 55 patients on saturday aau 85
टॅग : Coronavirus
Next Stories
1 Lockdown: चंद्रपूरमध्ये १५०० कामगारांचं ठिय्या आंदोलन; गावी जाण्याचा प्रशासनाकडं आग्रह
2 अजित पवारांना झुकतं माप का?; महाराष्ट्राच्या मनातील प्रश्नाला शरद पवारांनी दिलं उत्तर
3 नाशिक : कामगारांना घेऊन जाणारी दुसरी रेल्वे उत्तर प्रदेशकडं रवाना; प्रवाशांनी दिल्या ‘जय महाराष्ट्र’च्या घोषणा
Just Now!
X