06 August 2020

News Flash

राज्यातील करोना रुग्णांमध्ये ६,५५५ची भर; मुंबईत ६९ जणांचा मृत्यू

राज्यातील आकडा दोन लाखांच्या पुढे

संग्रहित छायाचित्र

राज्यातील करोना बाधित रुग्णांची संख्येत घट होताना दिसत नाही. रविवारी दिवसभरात आणखी रुग्णांची भर पडल्यानं राज्यातील एकूण रुग्णांचा आकडा दोन लाखांच्या पुढे गेला आहे. यात एकट्या मुंबईतील रुग्णांची संख्या ८४ हजारांपेक्षा जास्त असून, आज दिवसभरात ६९ जणांचा मृत्यू झाला आहे. राज्यात आज आढळून आलेल्या रुग्णांमुळे एकूण रुग्णसंख्या दोन लाखांच्या पुढे गेली आहे. राज्याचे आरोग्यमंत्री राजेश टोपे यांनी याविषयी माहिती दिली.

कालच्या तुलनेत आजचा दिवस राज्याचा दिवस काहीसा दिलासादायक ठरला. राज्यात दिवसभरात ६५५५ रुग्ण आढळून आले. राज्याचे आरोग्यमंत्री राजेश टोपे यांनी याविषयीची माहिती दिली. “राज्यात आज ६५५५ करोना बाधित रुग्णांची वाढ झाली. त्यामुळे एकूण संख्या आता २ लाख ६ हजार ६१९ इतकी झाली आहे. आज दिवसभरात ३ हजार ६५८ करोना बाधित रुग्ण बरे झाले आहेत. एकूण १ लाख ११ हजार ७४० रुग्ण आतापर्यंत करोनातून बरे होऊन घरी पाठवण्यात आले आहेत. राज्यात एकूण ८६ हजार ४० रुग्ण सध्या उपचार घेत आहेत,” अशी माहिती राजेश टोपे यांनी दिली.

मुंबईतील आकडा ८५ हजारांच्या उंबरठ्यावर

मुंबईतील रुग्णसंख्येतही दिवसभरात १ हजाराहून अधिक रुग्णांची भर पडली. दिवसभरात १३११ नवीन रुग्ण आढळून आले. तर दिवसभरात ६९ करोना बाधितांचा मृत्यू झाला आहे. मु्ंबईतील करोना बाधितांची रुग्णसंख्या ८४ हजार १२५ वर पोहोचली असून, यापैकी ५५ हजार ८८३ रुग्ण बरे होऊन घरी परतले आहेत. मुंबई महापालिकेनं ही माहिती दिली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 5, 2020 9:35 pm

Web Title: 6555 new coronavirus covid19 cases in maharashtra bmh 90
टॅग Coronavirus
Next Stories
1 वर्धा : गुरु पौर्णिमेनिमित्त पूजेसाठी गेलेले दोन तरुण सेल्फीच्या नादात तलावात बुडाले
2 अकोल्यात आणखी एकाचा मृत्यू; ३८ नवे रुग्ण
3 वाशीम: ट्रक व कारच्या अपघातात तीन ठार
Just Now!
X