18 January 2021

News Flash

गेम खेळताना मोबाइलचा स्फोट, 8 वर्षांच्या चिमुरड्याने गमावली चार बोटं

टीव्हीवर जाहिरात पाहून हा मोबाइल एका शेतकऱ्याने विकत घेतला होता, त्याचा स्फोट झाला

8 वर्षांचा एक मुलगा मोबाइलवर गेम खेळत होता, त्याचवेळी मोबाइलचा स्फोट झाल्याने या मुलाला त्याची चार बोटं गमवावी लागली आहेत. नांदेडमध्ये ही धक्कादायक घटना घडली आहे. मुखेड तालुक्यातील जिरगा गावात ही घटना घडली. श्रीपत जाधव या शेतकऱ्याचा हा मोबाइल होता. टीव्हीवर या मोबाइलची जाहिरात पाहिल्यावर त्यांनी हा मोबाइल ऑर्डर करून मागवला होता.

I Kall K-72 या कंपनीचा हा मोबाइल होता. या मोबाइलची किंमत 1500 रुपये होती. तसेच या मोबाइलवर एक घड्याळही फ्री मिळालं होतं. या शेतकऱ्याने एकूण तीन फोन विकत घेतले होते. त्यातलाच हा एक फोन होता. श्रीपत जाधव यांचा आठ वर्षांचा मुलगा या मोबाइलवर गेम खेळत होता. तेवढ्यात या मोबाइलचा स्फोट झाला. या घटनेत प्रशांतला त्याची चार बोटं गमवावी लागली. प्रशांतच्या हातात मोबाइलचा स्फोट झाला त्यानंतर प्रशांतला तातडीने रूग्णालयात दाखल करण्यात आलं. मात्र त्याची बोटं वाचू शकली नाहीत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on February 12, 2019 5:46 pm

Web Title: 8 year old boy loses fingers of his left hand while playing game on mobile in maharashtras nanded
Next Stories
1 नीलेश राणे म्हणतात; शिवसैनिक चांगलेच, पण…
2 मासे देण्यास नकार दिल्याने बेदम मारहाण, मच्छीमाराचा मृत्यू
3 …म्हणून ‘राजा’नं द्यावी साथ, अजित पवारांची ‘मनसे’ साद
Just Now!
X