ज्यात करोनाबाधितांची संख्या दिवसेंदिवस वाढत असताना आता आणखी एक चिंताजनक माहिती समोर आली आहे. करोनाविरुद्ध पहिल्या फळीत लढणाऱ्या पोलिसांना करोनाची मोठ्या संख्येनं लागण झाली आहे. गेल्या २४ तासांत राज्यातील ९१ पोलिसांना करोनाचा संसर्ग झाला आहे. त्यामुळे राज्यातील करोनाबाधित पोलिसांची संख्या २४१६ इतकी झाली आहे. तर २६ पोलिसांचा करोना व्हायरसमुळे मृत्यू झाला आहे. दिलासादायक बाब म्हणजे तब्बल ९६९ पोलिसांनी करोनाचा पराभव केला आहे. १४२१ करोनाबाधित पोलिसांवर सध्या उपचार सुरू आहेत. करोनाविरुद्ध देशाच्या सुरू असलेल्या युद्धात प्रशासकीय यंत्रणेच्या माध्यमातून पोलीस, डॉक्टर, परिचारिका, सफाई कर्मचारी आदी दिवसरात्रं आपलं कर्तव्य बजावत आहेत. आपण घरात सुरक्षित रहावं म्हणून जीव धोक्यात घालून देशभराती पोलीस उन्हातान्हात रस्त्यांवर बंदोबस्तास उभे आहेत. या पोलिसांना देखील करोनाने घेरले असून त्यांचा जीव देखील धोक्यात आल्याचे दिसत आहे. In the last 24 hours, 91 police personnel have tested positive for #COVID19 have been reported. Total number of positive cases in Maharashtra Police rise to 2,416 with death toll at 26. 1421 cases are active: Maharashtra Police pic.twitter.com/czLHxqYIf0 — ANI (@ANI) May 31, 2020