औरंगाबादमध्ये घाटी रुग्णालयात काम एका परिचारकाला (Male Nurse) करोनाची लागण झाली आहे. गव्हर्मेंट मेडिकल कॉलेज आणि रुग्णालयात काम करणारा हा परिचारक आहे. या परिचारकाची करोना चाचणी करण्यात आली जी पॉझिटिव्ह आली. त्यानंतर या परिचारकाला जिल्हा सरकारी रुग्णालयात दाखल करण्यात आले आहे. GMCH चे अधिष्ठाता डॉ. करण येलीकर यांनी ही माहिती दिली. एएनआयने या संदर्भातले वृत्त दिले. हा परिचारक ३८ वर्षांचा आहे अशीही माहिती डॉ. येलीकर यांनी एएनआयला दिली. A 38 year old male nurse at Government Medical College & Hospital (GMCH), Aurangabad has tested positive for #COVID19. He has been shifted to District Civil Hospital: GMCH Dean Dr Kanan Yelikar #Maharashtra — ANI (@ANI) April 6, 2020 औरंगाबादमध्ये रविवारी एका करोनाग्रस्ताचा मृत्यू झाला. या ५८ वर्षीय व्यक्तीला काही दिवसांपूर्वी करोनाची लागण झाली होती. यानंतर या रुग्णाला शासकीय वैद्यकीय महाविद्यालय आणि रुग्णालयात (घाटी) दाखल करण्यात आलं होतं. रविवारी उपचारा दरम्यान त्याचा मृत्यू झाला. ही घटना ताजी असतानाच आता घाटी रुग्णालयातल्याच एका परिचारकाला करोनाची लागण झाल्याची माहिती समोर आला आहे.