19 September 2020

News Flash

Coronavirus: करोनाच्या काळातही मजुरांसाठी दिवसभर आरोग्य सेवा देणारा डॉक्टर

मजुरांचा ओढा डॉ. हरणे यांच्याकडेच असल्याचे पाहायला मिळते.

वर्धा : करोनाच्या काळातही दिवसभर आरोग्य सेवा देणारे डॉ. सतीश हरणे.

प्रशांत देशमुख

करोनाच्या भीतीमुळे खासगी दवाखाने बंद करून बसलेल्या डॉक्टरांना ते सुरू ठेवण्याचे इशारे शासनाकडून मिळत असण्याच्या पार्श्वभूमीवर दिवसरात्र दवाखाना उघडून गरजू मजुरांना सेवा देणाऱ्या डॉ. सतीश हरणे यांचे वेगळे उदाहरण चर्चेत आहे.

वर्धेतील बॅचलर रोडवर रात्री दहापर्यंत गरजूंना सेवा देणारे डॉक्टर म्हणून सतीश हरणे चर्चेत आहेच. सकाळी दहा ते दुपारी दोन तसेच सायंकाळी सहा ते रात्री दहापर्यत डॉ. हरणे यांचा दवाखाना तसेच त्यांच्यालगत अग्रवाल यांचे औषधाचे दुकान या ही काळात सुरू आहे. प्रामुख्याने निवारागृहातील मजूर तसेच काही उद्योगात कार्यरत मजुरांसाठी डॉ. हरणे हेच धन्वंतरी ठरले आहे.

“वर्धेत सेवाग्राम व सावंगी येथील वैद्यकीय महाविद्यालयाचे रूग्णालय तसेच शासनाचे सामान्य रूग्णालय सध्या सेवा देत आहे. डॉ. सचिन पावडे, डॉ. सुहास जाजू व अन्य काही मोजकी डॉक्टरमंडळी सेवेत आहेत. मात्र, मजुरांचा ओढा डॉ. हरणे यांच्याकडेच असल्याचे पाहायला मिळते. रणरणत्या उन्हातील दिवसभरातील श्रमाअंती सहज उपलब्ध होणारे म्हणून आम्ही डॉ. हरणेकडे येतो,” असे ठेकेदार रामप्रसाद सांगातात.

या सेवेबाबत बोलतांना डॉ. हरणे म्हणाले, “ही सेवा कर्तव्याचाच भाग आहे. पैशांची बाब दुय्यम ठरावी. मजूरांना तपासणीसोबतच दोन प्रेमाचे शब्द बोलणारे आनंद देवून जातात.” करोनाच्या पार्श्वभूमीवर या गरीब घटकास वैद्यकीय उपचार देणे अत्यंत महत्वाचे ठरत आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 8, 2020 10:10 pm

Web Title: a doctor who provides health care to workers throughout the day even during the coronavirus aau 85
टॅग Coronavirus
Next Stories
1 मुख्यमंत्री उद्धव ठाकरे यांच्या भाषणातले ठळक मुद्दे
2 Coronavirus: घरपोच दारु पोहोचवण्याच्या सुप्रीम कोर्टाच्या सल्ल्यावर डॉ. अभय बंग यांची टीका
3 महाराष्ट्रात १०८९ नवे करोना रुग्ण, ३७ मृत्यू, संख्या १९ हजारांच्याही पुढे
Just Now!
X