20 January 2021

News Flash

सातपाटी येथील चार खलाशांसह मच्छिमारी बोट समुद्रात बेपत्ता

बोटीचा शोध घेण्यासाठी युद्धपातळीवर शोध मोहिम

समुद्रात मच्छीमार बोटीवर हल्ला

सातपाटी येथून मच्छिमारीसाठी खोल समुद्रात गेलेली बोट बेपत्ता झाल्याची घटना घडली आहे. ही बोट पाच खलशांसह समुद्रात बेपत्ता झाल्याने सातपाटी गावात भीतीचे वातावरण पसरले आहे. तटरक्षक दलाकडून व स्थानिक प्रशासनाकडून या नौकेचा शोध घेणे सुरू आहे.

बेपत्ता झालेली अग्नी माता ही बोट सातपाटी विविध कार्यकारी सहकारी संस्थेच्या सभासद असलेल्या सविता माणिक तांडेल यांची आहे. गुरूवारी सकाळी सातपाटी बंदरातून या बोटीमधून प्रविण पांडुरंग धनू, ज्ञानेश्वर माणिक तांडेल,दिलीप माणिक तांडेल, जग्गा नाथ तांडेल हे मच्छिमार बांधव नेहमीप्रमाणे मासेमारीसाठी गेले होते.

शुक्रवारी बोट सातपाटी बंदरात परतली नसल्याने मच्छिमार बांधवांमध्ये चिंतेचे वातावरण निर्माण झाले. ही बाब समाजमाध्यमांवरून वाऱ्यासारखी पसरू लागली. मच्छिमार बांधवांनी वायरलेस यंत्रणेद्वारे बोटीशी संपर्क साधण्याचा प्रयत्न केला. मात्र बोटीवर वायरलेस यंत्रणा व मोबाईल नसल्याने संपर्क होत नसल्याचे संगीतले जाते.संपर्क होत नसल्याने मत्स्यव्यवसाय विभागाला बेपत्ता बोटीची माहिती देण्यात आली. मत्स्यव्यवसाय विभाग, तटरक्षक दल,पोलीस प्रशासन व मच्छिमार बांधवांकडून बोटीचा शोध घेण्यासाठी युद्धपातळीवर शोध मोहीम सुरू आहे

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 27, 2020 9:38 pm

Web Title: a fishing boat with four sailors from satpati went missing at sea scj 81
Next Stories
1 सत्ता चालवणं झेपत नसेल तर सोडून द्या-चंद्रकांत पाटील
2 महाराष्ट्रातील लॉकडाउन ३१ डिसेंबरपर्यंत कायम, ठाकरे सरकारचा निर्णय
3 महाराष्ट्रात आजही ६ हजारांपेक्षा जास्त रुग्ण करोना पॉझिटिव्ह, ८५ मृत्यूंची नोंद
Just Now!
X