साधारण ३०० फूट खोल बोअरवेलमध्ये पडलेल्या एका सहा वर्षीय चिमुकल्यास सुखरूप बाहेर काढण्यात यश आले आहे. यासाठी एनडीआरएफसह स्थानिक पोलीस व नागिरकांनी केलेल्या शर्थीच्या प्रयत्नांमुळे या चिमुकल्यास जीवदान मिळाले आहे. नाशिक जिल्ह्यातील कळवण तालुक्यातील बेज शिवारातील ही घटना आहे.

रितेश सोळंकी असे या सहा वर्षीय चिमूकल्याचे नाव आहे. सध्या त्याला रूग्णालयात दाखल करण्यात आले असून, त्याची प्रकृती स्थिर असल्याची माहिती मिळाली आहे. गुरूवारी सकाळी तो या बोअरवेलमध्ये पडला होता. त्यानंतर तो अंदाजे ५० फुटांवर अडकला होता. तेव्हापासून त्याच्या सुटकेसाठी प्रयत्न सुरू होते.