इचलकरंजी येथील अल्पवयीन मुलाला पळवून नेऊन लैंगिक अत्याचार करणाऱ्या महिलेवर शनिवारी पॉस्को अंतर्गत गुन्हा दाखल करण्यात आला. संबंधित महिलेचा पतीही खून प्रकरणात पोलीस कोठडीत आहे. इचलकरंजी शहरातील आसरा नगर परिसरात ९ महिन्यांपूर्वी एका अल्पवयीन मुलास अज्ञात व्यक्तीने पळवून नेल्याची तक्रार इचलकरंजी पोलीस ठाणे येथे दाखल करण्यात आली आहे. त्या अनुषंगाने पोलिसांचा तपास सुरू होता. चार दिवसांपूर्वी पोलिसांना अल्पवयीन मुलगा सोलापूर येथे असल्याचा सुगावा लागला . पोलिसांनी त्याला इचलकरंजीत आणून चौकशी केली असता महिलेने तामिळनाडू येथे पळवून नेऊन आपल्यावर लैंगिक अत्याचार केल्याचे त्याने सांगितले. त्यावरून महिलेला ताब्यात घेऊन तिच्याविरोधात पॉस्को अंतर्गत गुन्हा दाखल करण्यात आला आहे.
