News Flash

पायी वारीच्या मागणीसाठी नागपुरात वारकऱ्यांचे भजन आंदोलन

आषाढी वारी सलग दुसऱ्या वर्षी रद्द करण्याच्या निषेधार्थ आणि राज्यातली मठ-मंदिरे उघडण्याच्या मागणीकरता हे आंदोलन करण्यात येत आहे.

नागपूरातलं दिंडी भजन आंदोलन

महाराष्ट्राची दीर्घकाळापासूनची परंपरा असलेल्या पायी आषाढी वारीला परवानगी मिळावी यासाठी विरोधकांसह अनेक वारकरी संघटनांकडूनही मागणी केली जात आहे. यासाठी राज्याच्या विविध भागात या विऱोधात आंदोलनं सुरु आहेत. सरकारने आषाढी वारीसाठी निर्बंध घालून दिले असले तरी पायी वारीला मात्र यंदाच्या वर्षीही परवानगी देण्यात आलेली नाही. त्यामुळे सध्या राज्यातल्या वारकरी संघटनांमधून असंतोष व्यक्त केला जात आहे.

नागपुरातही पायी वारीला परवानगी मिळावी या मागणीसाठी विश्व हिंदू परिषदेसह शहरातल्या अनेक वारकरी संघटनांनी भजन आंदोलन केलं आहे. महाराष्ट्राची शेकडो वर्षांपासूनची परंपरा असलेली आषाढी वारी सलग दुसऱ्या वर्षी रद्द करण्याच्या निषेधार्थ आणि राज्यातली मठमंदिरे उघडण्याच्या मागणीकरता हे आंदोलन करण्यात येत आहे. यावेळी वारकरी एकत्र जमून भजनं गात आंदोलन करत आहेत.

हेही वाचा- ‘आषाढी’साठी नियमावली जाहीर ; देहू व आळंदी प्रस्थान सोहळ्यासाठी प्रत्येकी १०० वारकऱ्यांना परवानगी!

यंदा मानाच्या दहा पालखी सोहळ्यांच्या आषाढी वारी सोहळ्यास परवानगी देण्यात आली आहे. यावर्षी देहू व आळंदी येथील प्रस्थान सोहळ्यासाठी प्रत्येकी १०० व उर्वरीत आठ सोहळ्यासाठी प्रत्येकी ५० वारकऱ्यांना प्रस्थान सोहळ्यात सहभागी होता येईल, असे आपत्ती व्यवस्थापन, मदत व पुनर्वसन विभागाने स्पष्ट केले आहे. याबाबत पंढरपूर येथील आषाढी वारीसंदर्भातील नियमावली जाहीर करण्यात आली आहे.

यंदाच्या आषाढी वारीचे आयोजन करताना कोविड-१९ च्या प्रतिबंधासाठी केंद्र व राज्य शासनाने वेळोवेळी निर्गमित केलेल्या सूचनांचे काटेकोरपणे पालन होईल याची दक्षता घ्यावी, असे आपत्ती व्यवस्थापन, मदत व पुनर्वसन विभागाने निमावलीत नमूद केले आहे. मानाच्या पालखी सोहळ्यांना पायी वारी प्रस्थान ठिकाणापासून विशेष वाहनाद्वारे वाखरी येथे पोहोचल्यानंतर तेथून पंढरपूरकडे १.५ किमी. अंतर प्रातिनिधिक स्वरूपात पायीवारी करण्यास परवानगी देण्यात आली आहे.

 

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 17, 2021 12:36 pm

Web Title: aashadhi vaari nagpur protest against cancelling it vsk 98
Next Stories
1 पक्ष्यांना सोशल डिस्टन्सिंग कळालं, माणसांना कधी कळणार; पहा व्हिडीओ
2 नाशिकमध्ये राज ठाकरे आणि चंद्रकांत पाटील भेट? युतीची चर्चा होण्याची शक्यता
3 मनसेसोबत युती करणार का?; देवेंद्र फडणवीसांनी केलं सूचक विधान
Just Now!
X