मुंबई-गोवा या राष्ट्रीय महामार्गावर अपघात झाला. या अपघातात मोटार सायकल आणि पिकअप जीप यांची समोरासमोर टक्कर झाली. या अपघातात मोटरसायकलवर बसलेल्या दोन्ही युवकांचा मृत्यू झाला. संजय निंगे आणि सुरेश नाईनाट अशी या अपघातात मृत्यू झालेल्या दोघांची नावे आहेत. इंदापूरजवळच्या धरणवाडी या ठिकाणी हा अपघात झाल्याचे समजते आहे. हे दोघेही दापोलीतील तेटवणे या गावी राहणारे होते. गेल्या काही दिवसांपासून या ठिकाणी होणाऱ्या अपघातांचे प्रमाण वाढते आहे. त्यामुळे मुंबई गोवा राष्ट्रीय महामार्ग हा मृत्यूचा सापळा आहे का? अशीही एक चर्चा होताना दिसते आहे. आज झालेला अपघात भीषण होता. या अपघातामुळे निंगे आणि नाईनाट कुटुंबीयांवर दुःखाचा डोंगर कोसळला आहे.
