रायगड जिल्ह्यातील पाली-खोपोली राष्ट्रीय महामार्गावर आज पहाटेच्या सुमारास कारला झालेल्या भीषण अपघातात एकाचा घटनास्थळीच मृत्यू झाला तर अन्य दोनजण गंभीर जखमी झाले आहेत. मंदार साळवी असं या अपघातातील मृत्यू झालेल्याचे नाव आहे. ही कार चिपळूणहून मुंबईच्या दिशेने निघाली होती. या मार्गावरील रस्त्याच्या रुंदीकरणाचे काम सध्या सुरू असून, या कामासाठी आणलेल्या एका मशीनवर कार आदळून हा अपघात झाला. जखमींना जवळच्या रुग्णालयात दाखल करण्यात आल आहे .
