सिने अभिनेते सयाजी शिंदे यांच्या आईचे निधन झाले आहे. श्रीमती सुलोचना मुगुटराव शिंदे यांची प्राणज्योत आज मालवली. सातारा येथील राहत्या घरी त्यांचे गुरुवारी पहाटे निधन झाले. त्या ९७ वर्षांच्या होत्या. त्यांच्या पश्चात दोन मुले, चार मुली, सुना नातवंडे असा परिवार आहे. गुरुवारी सायंकाळी सात वाजता कैलास स्मशान भूमी या ठिकाणी त्यांच्या पार्थिवावर अंत्यसंस्कार करण्यात आले. सामाजिक, धार्मिक कार्यात त्यांचा नेहेमी पुढाकार असायचा. त्यांच्या निधनाने हळहळ व्यक्त होत असून वेळे कामथी या त्यांच्या मूळ गावावर शोककळा पसरली आहे.
