News Flash

गणेशोत्सवाप्रमाणेच बकरी ईद साजरी करण्याची संमती द्या, नसीम खान यांचं मुख्यमंत्र्यांना पत्र

ईदच्या दिवशी कुर्बानीची सूट द्यावी अशीही मागणी

गणेशोत्सव काही अटी शर्थींवर साजरा करण्यासाठी ठाकरे सरकारने संमती दिली आहे. त्याच धर्तीवर बकरी ईद साजरी करण्यासाठीही संमती दिली जावी अशी मागणी करणारं पत्र काँग्रेस नेते नसीम खान यांनी केली आहे. आगामी गणेशोत्सव महाराष्ट्रात साधेपणाने साजरा करण्यास संमती देण्यात आली आहे. त्याच प्रमाणे बकरी ईद हा मुस्लीम बांधवांचा महत्त्वाचा सण आहे. हा सणही साधेपणाने साजरा करण्याची संमती द्या अशी मागणी नसीम खान यांनी पत्र पाठवून केली आहे.

मागील काही दिवसांपासून काँग्रेसच्या काही नेत्यांकडून बकरी ईद साजरी करण्याची संमती द्या अशी मागणी होत होती. या मागणीला समर्थन देऊन नसीम खान यांनी मुख्यमंत्री उद्धव ठाकरे यांना पत्र लिहिलं आहे.

आता या मागणीवर सकारात्मक विचार करुन बकरी ईद साजरी करायला संमती मिळते का? ते पाहणे महत्त्वाचे ठरणार आहे. “राज्यात वेगवेगळे सण साधेपणाने साजरे करायला ठाकरे सरकारने संमती दिली आहे. मग बकरी ईदला का नाही? गणेशोत्सवाला जसे निर्बंध लावून सण साजरा करण्याची संमती दिली आहे त्याच पद्धतीने बकरी ईद साजरी करण्याचीही संमती द्या. १ ऑगस्ट रोजी मुस्लीम समाजाचा अतिशय महत्त्वाचा सण असलेल्या ईद ऊल अदाहच्या दिवशी म्हणजेच बकरी ईदच्या दिवशी कुर्बानी देण्याची सूट आणि तशी व्यवस्था सरकारने करुन द्यावी. याबाबत सरकारने तातडीने निर्णय घ्यावा” असं नसीम खान यांनी म्हटलं आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 14, 2020 1:05 pm

Web Title: allow to celebrate bakri eid with guidelines demands naseem khan to cm uddhav thackeray via letter scj 81
Next Stories
1 बैतूलमाल कमिटीकडून सामाजिक ऐक्याचे दर्शन; करोनाबाधित व्यक्तीचा हिंदू पद्धतीने केला अत्यंविधी
2 ३१ जुलैपर्यंत चंद्रपूर जिल्ह्यातील शाळा, महाविद्यालये राहणार बंद
3 दिलासादायक बातमी… चंद्रपूर जिल्ह्यात १०० बाधित करोनातून बरे
Just Now!
X