29 September 2020

News Flash

देवेंद्र फडणवीस यांना अमृता यांच्याकडून खास शुभेच्छा; फोटो शेअर करत म्हणाल्या…

५० व्या वाढदिवसानिमित्त फडणवीस यांच्यावर शुभेच्छांचा वर्षाव

प्रातिनिधिक फोटो

राज्याचे माजी मुख्यमंत्री आणि विरोधी पक्ष नेते देवेंद्र फडणवीस यांचा आज ५० वा वाढदिवस आहे. यानिमित्त त्यांच्या पत्नी अमृता फडणवीस यांनी ट्विटरवरुन एक खास फोटो ट्विट करत देवेंद्र यांना वाढदिवसाच्या शुभेच्छा दिल्या आहेत. तुम्ही मला आणि माझ्यासारख्या अनेकांना मानवतेची सेवा करण्याची प्रेरणा दिली आहे, अशा शब्दांमध्ये अमृता यांनी देवेंद्र यांच्या कामाचे कौतुक केलं आहे.

नक्की वाचा >> “अशीच महाराष्ट्राची सेवा करत राहा”; फडणवीस यांना वाढदिवसाच्या ‘शाही’ शुभेच्छा

अमृता फडणवीस यांनी ट्विवटरवरुन देवेंद्र यांच्यासोबतचा एक जुना फोटो शेअर केला आहे. या ब्लॅक अ‍ॅण्ड व्हाइट फोटोमध्ये दोघेही हसताना दिसत आहेत. फोटोला कॅप्शन देताना अमृता यांनी देवेंद्र फडणवीस यांच्या अधिकृत ट्विटर हॅण्डलला टॅग केलं आहे. “देवेंद्र फडणवीस यांना वाढदिवसाच्या शुभेच्छा. निस्वार्थ सेवा, पारदर्शकता आणि कष्ट या सर्व गुणांचा समावेश असणारी ही व्यक्ती दिवसोंदिवस समाज उपयोगी आणि लोकहिताची कामं करत असून या कामासाठी त्यांनी स्वत:चे आयुष्य वाहून घेतलं आहे. तुम्ही मला आणि माझ्यासारख्या अनेकांना मानवतेची सेवा करण्याची प्रेरणा दिली आहे,” अशा शब्दांमध्ये अमृता यांनी देवेंद्र फडणवीस यांना शुभेच्छा दिल्या आहेत.

नक्की वाचा >> कागदावरील ‘त्या’ तीन शब्दांमुळे अमृता फडणवीस झाल्या ट्रोल

देवेंद्र फडणवीस यांनी २०१४ साली पहिल्यांदा मुख्यमंत्री पदाची शपथ घेतल्यापासून अमृता फडणवीसही कायमच चर्चेत असल्याचे चित्र दिसून आलं आहे. अगदी अमृता यांची गाणी असो किंवा त्यांनी केलेली राजकीय टीका असो अमृता या कायमच बातम्यांमध्ये झळकताना दिसतात. अमृता यांनी केलेल्या काही वक्तव्यांवरुन २०१९ च्या विधानसभा निवडणुकांनंतर सत्ता स्थापनेच्या काळात अमृता फडणवीस विरुद्ध ठाकरे कुटुंब असा शाब्दिक सामना रंगल्याचे पहायला मिळालं होतं. अमृता या सोशल नेटवर्किंगवर चांगल्याच अॅक्टीव्ह असून त्या आपली मते सोशल मिडियाच्या माध्यमातून मांडत असतात.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 22, 2020 5:27 pm

Web Title: amruta fadnavis wishes happy birthday to husband devendra fadnavis scsg 91
Next Stories
1 चंद्रपूरमध्ये उभारणार १४५ मेगावॅट क्षमतेचा सौर ऊर्जा प्रकल्प
2 “शिवसेनेचे मंत्री काँग्रेस आमदारांचा मानसन्मान ठेवत नाहीत, कामाच्या फाईली अडवतात”
3 “त्या दोन्ही कंपन्या तामिळनाडू, आंध्रात गेल्या, आता…”; पृथ्वीराज चव्हाणांचं मुख्यमंत्र्यांना पत्र
Just Now!
X