News Flash

कुटुंबीयांना भेटण्यासाठी अरुण गवळीला हवी एक महिन्याची संचित रजा

एका शिवसेना नगरसेवकाच्या खून प्रकरणात नागपूर मध्यवर्ती कारागृहात जन्मठेपेची शिक्षा भोगत आहे.

संग्रहित छायाचित्र

अंडरवर्ल्ड डॉन अरुण गुलाब गवळी ऊर्फ डॅडीने कुटुंबाला भेटण्यासाठी २८ दिवसांची संचित रजा मिळण्यासाठी उच्च न्यायालयात धाव घेतली आहे. त्याच्या याचिकेवर सुनावणी होऊन न्यायालयाने कारागृह विभागाला नोटीस बजावली.

अरुण गवळी सध्या एका शिवसेना नगरसेवकाच्या खून प्रकरणात नागपूर मध्यवर्ती कारागृहात जन्मठेपेची शिक्षा भोगत आहे. उपराजधानीत दाखल झाल्यापासून त्याने पत्नीवर शस्त्रक्रिया करण्यासाठी, मुलाचे लग्न, आईचा मृत्यू अशाप्रसंगी वेळोवळी कधी संचित रजा, तर कधी अभिवचन रजा घेतली आहे. आता त्याने पुन्हा उच्च न्यायालयात धाव घेऊन परिवाराला भेटण्याकरिता २८ दिवसांची संचित रजा मिळावी, अशी विनंती केली आहे. गवळीतर्फे अॅगड. मीर नगमान अली यांनी बाजू मांडली. गवळीने २८ दिवसांची संचित रजा मिळावी, असा अर्ज विभागीय आयुक्तांकडे केला होता. परंतु, अर्ज फेटाळण्यात आल्याने त्याने आता हायकोर्टात धाव घेतली आहे. शुक्रवारी झालेल्या सुनावणीत हायकोर्टाने कारागृह प्रशासनाला नोटीस बजावली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on February 23, 2019 4:16 pm

Web Title: arun gawli bombay high court nagpur bench application for parole
Next Stories
1 मागण्यांसाठी मुख्यमंत्र्यांच्या पायाशी जाणार नाही, मराठा समाजाचा निर्धार
2 कमळावर बहिष्कार हीच आमची भूमिका; मराठा क्रांती मोर्चा लोकसभेच्या रिंगणात
3 कुटुंबीयांचा प्रेमसंबंधांना विरोध, नांदेडमध्ये युगुलाची आत्महत्या
Just Now!
X