News Flash

‘अवनी’वरुन राहुल गांधींचा मोदी सरकारवर निशाणा, महात्मा गांधींच्या विचाराचा दिला दाखला

'देशात प्राण्यांना दिल्या जाणाऱ्या वागणुकीवरुन देशाची महानता ठरते', हा सुविचार ट्विटर करत त्यांनी सरकारला फटकारलं आहे.

(संग्रहित छायाचित्र)

पांढरकवड्यातील ‘अवनी’ (टी-१) या पाच वर्षांच्या वाघिणीला ठार करण्यात आल्यानंतर काँग्रेस अध्यक्ष राहुल गांधी यांनी ट्विटरवरुन मोदी सरकारवर निशाणा साधला. राहुल गांधी यांनी महात्मा गांधी यांचा एक सुविचार ट्विटरवर शेअर केला आहे. ‘देशात प्राण्यांना दिल्या जाणाऱ्या वागणुकीवरुन देशाची महानता ठरते’, हा सुविचार ट्विटर करत त्यांनी सरकारला फटकारलं आहे.

गेल्या दोन वर्षांत १३ जणांच्या मृत्यूला कारणीभूत ठरल्याचा ठपका असलेल्या पांढरकवड्यातील ‘टी- १’ या पाच वर्षांच्या वाघिणीला जेरबंद करण्याचे वनखात्याचे सर्व प्रयत्न फसल्यानंतर अखेर शुक्रवारी रात्री साडेअकराच्या सुमारास तिला गोळ्या घालून ठार करण्यात आले. मात्र, यावरुन वाद निर्माण झाला आहे. अनेक स्वयंसेवी संस्थांनी यावर कारवाईवर आक्षेप घेतला. इतकंच नव्हे तर केंद्रीय मंत्री मनेका गांधी यांनी देखील अवनी वाघिणीला ठार मारल्याच्या घटनेवरुन टीका केली होती.

आता काँग्रेस अध्यक्ष राहुल गांधी यांनी देखील भाजपा सरकारवर निशाणा साधला आहे. त्यांनी ट्विटरवर सोमवारी सकाळी एक ट्विट केले आहे. त्यांनी महात्मा गांधी यांचा सुविचार ट्विट केला आहे. ”देशात प्राण्यांना दिल्या जाणाऱ्या वागणुकीवरुन देशाची महानता ठरते, असं महात्मा गांधींनी म्हटले होते’, अशा आशयाचे ट्विट त्यांनी केले आहे.

दरम्यान, वनमंत्री सुधीर मुनगंटीवार यांनी या वादावर प्रतिक्रिया दिली आहे. मनेका गांधींनी केलेली टीका माहितीच्या अभावी असून वाघिणीला ठार करण्याचा निर्णय मंत्री किंवा सचिव घेत नाही. राष्ट्रीय वाघ संरक्षण प्राधिकरणाच्या (एनटीसीए) मार्गदर्शिकेनुसार याबाबत निर्णय घेतल्याचे मुनगंटीवार यांनी स्पष्ट केले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 5, 2018 11:34 am

Web Title: avni t1 tigress death row greatness of nation can be judged by way its animals treated says rahul gandhi
Next Stories
1 प्रवाशांचं सामान न घेताच जम्मूला पोहोचलं गो एअरचं विमान
2 VIDEO: गुजरात विधानसभेत घुसलेला बिबट्या अखेर जेरबंद
3 आरबीआय विरुद्ध केंद्र सरकार! नेहरुंच १९५७ मधील पत्र ठरणार मोदी सरकारचं अस्त्र
Just Now!
X