19 September 2020

News Flash

करोनाचा रिपोर्ट निगेटिव्ह; बीडमध्ये डॉक्टरसह कर्मचाऱ्यांचा बॅंड लावून डान्स, गुन्हा दाखल

करोना आनंदोत्सव पडला महागात

बीडमधील एका रुग्णालयातील कर्मचाऱ्यांचे करोना तपासणी अहवाल निगेटिव्ह आल्यानंतर डॉक्टरसह कर्मचाऱ्यांनी रस्त्यावरच फटाके फोडून, नाचतो साजसा केलेला आनंदोत्सव महागात पडला आहे. आनंदोत्सवाची क्लिप समाज माध्यमातून प्रसारित होताच पोलिसांनी संबंधित डॉक्टर अनिरुद्ध गुन्हा दाखल केला आहे.

बीड जिल्ह्यातील, आंबेवडगाव(ता.धारूर) येथील कोरोनाग्रस्त एका रुग्णाने माजलगाव येथील खाजगी रुग्णालयात उपचार घेतला होता. त्यामुळे डॉक्टरांसह सुमारे ५५ कर्मचाऱ्यांचे नमुने तपासणीसाठी घेण्यात आले होते. तीन दिवस कर्मचाऱ्यांची धाकधूक होती. गुरुवारी दुपारी हे सर्व अहवाल निगेटिव्ह आले. त्यामुळे माजलगावकरांना दिलासा मिळाला.

मात्र दुपारी डॉ. गजानन देशपांडेंसह डॉ. श्रेयश देशपांडे व इतर कर्मचाऱ्यांनी आनंदोत्सव साजरा करत रसत्यावर फटाके फोडले आणि डान्सही केला. हा व्हिडीओ व्हायरल झाल्यानंतर प्रशासनाने तातडीने कारवाई केली. तहसिलदार आणि पोलीस निरिक्षकांनी तातडीने रुग्णालयाला भेट देत संबंधित डॉक्टर विरुद्ध गुन्हा दाखल केला आहे. यामुळे डॉक्टरांना आनंदोत्सव चांगलाच महागात पडल्याचे बोलले जात आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 12, 2020 2:38 pm

Web Title: beed coronavirus doctor danced after the corona report came negative nck 90
Next Stories
1 “शेवटच्या वर्षाच्या विद्यार्थांना वाचवण्यासाठी संजय राऊत तुम्हीच धावून या”
2 लॉकडाउन पुन्हा जाहीर केलेला नाही, उद्धव ठाकरेंचं गर्दी न करण्याचं आवाहन
3 “माझ्या वाढदिवसानिमित्त एवढं करा की…”; आदित्य ठाकरेंचे शिवसैनिकांना आवाहन
Just Now!
X