News Flash

दिल्लीत आशिष शेलारांनी घेतली शरद पवारांची भेट; राजकीय वर्तुळात चर्चांना उधाण

नेमकी काय झाली चर्चा?

भाजपा नेते आशिष शेलार यांनी राष्ट्रवादी काँग्रेसचे अध्यक्ष शरद पवार यांची भेट घेतली आहे. दिल्लीमध्ये ही भेट पार पडली. याआधी सार्वजनिक बांधकाम मंत्री अशोक चव्हाण आणि शरद पवार यांच्यात बैठक पार पडली होती. या भेटीनंतर लगेचच आशिष शेलार शरद पवारांच्या भेटीला पोहोचले होते. आशिष शेलार यांनी भेटीनंतर प्रसारमाध्यमांशी संवाद साधत भेटीचं नेमकं कारण सांगितलं.

आशिष शेलार यांनी शरद पवारांची भेट घेत मराठा आरक्षणावर चर्चा केली. “मराठा आरक्षण प्रकरणी मराठा तरुणांच्या भावना शरद पवारांना माहिती आहेत. या भावना अतिशय तीव्र आहेत. सुप्रीम कोर्टात मराठा आऱक्षणाची बाजू मांडताना या विषयाचं गांभीर्यही शरद पवारांना माहिती आहे,” असं आशिष शेलार यांनी भेटीनंतर प्रसारमाध्यमांशी बोलताना सांगितलं.

पुढे ते म्हणाले की, “राज्य सरकारने मराठा आरक्षणावरील आपली भूमिका स्पष्ट करावी तसंच आरक्षणाविषयी तातडीने योग्य कायदेशीर पावलं लगेच उचलावीत याबद्दल सुद्धा शरद पवारांसोबत चर्चा केली”.

मराठा आरक्षणावर तोडगा काढण्यासाठी नवी दिल्लीत शरद पवारांच्या निवासस्थानी महाविकास आघाडीच्या नेत्यांमध्ये चर्चा झाली. मंगळवारी सकाळी अशोक चव्हाण शरद पवारांना भेटायला पोहोचले होते. विजय वडेट्टीवार आणि बाळू धानोरकर यांनीही शरद पवारांची भेट घेतली. काँग्रेसमधील प्रदेशाध्यक्ष बदलांच्या चर्चेवर शरद पवारांसोबत यावेळी चर्चा झाली.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 12, 2021 2:34 pm

Web Title: bjp ashish shelar meets ncp sharad pawar sgy 87
Next Stories
1 मुख्यमंत्री साहेब, माझं लग्न करुन द्या; उद्धव ठाकरेंना तरुणाचं पत्र
2 संतापजनक! नागपुरहून पुण्याला येणाऱ्या तरुणीवर धावत्या बसमध्ये दोन वेळा बलात्कार
3 मंत्री जयंत पाटील यांच्या कारखान्याच्या कार्यालयास आग
Just Now!
X