News Flash

“फडणवीस योग्य भूमिका मांडत आहेत,” विधानसभा अध्यक्षांनी वाढीव वीज बिलावरुन खडसावलं

ठाकरे सरकारने वीज बिलांवरुन फसवणूक केल्याचा फडणवीसांचा आरोप

हिवाळी अधिवेशनाचा आज दुसरा आणि अंतिम दिवस असून यावेळी विरोधी पक्षनेते देवेंद्र फडणवीस यांनी वाढीव वीज बिलांचा मुद्दा मांडत ठाकरे सरकारवर हल्लाबोल केला आहे. सरकारने वीज बिलासंबंधी घोषणा करुन फसवणूक केली असल्याचा गंभीर आरोप देवेंद्र फडणवीसांनी केला आहे. नितीन राऊत यांना घोषणा करा असं आम्ही सांगितलं नव्हतं असंही यावेळी ते म्हणाले. वीज बिलाच्या सवलतीवरुन काय झालं अशी विचारणा फडणवीसांनी यावेळी केली.

“मुख्यमंत्री महाविकास आघाडीत विसंवाद नाही असं सांगतात पण वीज बिलावरुन काय संवाद आहे. प्रत्येकजण वेगेगळं वक्तव्य करत आहेत. वापरलेल्या वीजेचं बिल भरण्यासंबंधी माझं काही म्हणणं नाही. पण जी वीज वापरलीच नाही त्याचं बिल कसं भऱणार?. महाविकास आघाडीतील संवाद निर्णयात दिसू द्या. माझं तर सरळ म्हणणं आहे की, वीज बिलासंबंधी घोषणा करुन सरकारने फसवणूक केली आहे,” असं देवेंद्र फडणवीस यांनी म्हटलं आहे.

…तर भाजपा रस्त्यावर उतरेल, फडणवीसांनी ठाकरे सरकारला दिला इशारा

दरम्यान यावेळी गोंधळ सुरु झाला असता विधानसभा अध्यक्ष नाना पटोले यांनी विरोधी पक्षनेते योग्य भूमिका मांडत असल्याचं सांगितलं. ते म्हणाले की, “महाराष्ट्रात सरासरी बिल देण्याची जी पद्धत आहे ती तातडीन थांबवली पाहिजे. अन्यथा हे विषय सातत्याने येत राहतात. मीटर, घऱ नाही त्यालाही बिल जातं अशी ही पद्धत आहे”.

दरम्यान यावेळी विरोधक आणि सत्ताधारी समोर आल्यानंतर नाना पटोले यांनी स्पष्ट केलं की, “ही पद्दत या सरकारची नाही, अनेक वर्षांची परंपरा आहे. ही पद्धत बदलली पाहिजे हेच मला सांगायचं आहे. हे मागच्या काळात नव्हतं असा काही भाग नाही. त्यामुळे हा राजकीय विषय नाही”.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on December 15, 2020 2:38 pm

Web Title: bjp devendra fadanvis on light bills winter session maharashtra assembly sgy 87
Next Stories
1 “सत्ता डोक्यात जाता कामा नये,” कंगना आणि अर्णबच्या मुद्द्यावरुन फडणवीस सभागृहात आक्रमक
2 कंत्राटी शेतीचा कायदा सगळ्यात आधी महाराष्ट्राने केला, सरकारचा विरोध बेगडी-फडणवीस
3 …तर भाजपा रस्त्यावर उतरेल, फडणवीसांनी ठाकरे सरकारला दिला इशारा
Just Now!
X