शिवसेना आमदार प्रताप सरनाईक यांच्या लोणावळ्यातील बंगल्यावर मंगळवारी सक्तवसुली संचलनालयाच्या (ईडी) पथकाने तपास केला. अत्यंत गुप्तता राखण्यात आलेल्या या तपास प्रक्रियेत बंगल्यातील सीसीटीव्ही फुटेज पथकाने ताब्यात घेतले. तसंच काही कागदपत्रंही ताब्यात घेण्यात आली. लोणावळा ग्रामीण पोलिसांना या तपासाबाबत काहीच माहिती नव्हती. त्यामुळे काही कारवाई ईडीने केली आहे की सीबीआयने याबाबत संभ्रम होता. प्रताप सरनाईक यांच्यावरील कारवाईनंतर भाजपा नेते किरीट सोमय्या यांनी मुख्यमंत्री उद्धव ठाकरेंवर निशाणा साधला आहे. मुख्यमंत्री उद्धव ठाकरे घोटाळेबाज प्रताप सरनाईकांना वाचवत आहेत का? असा सवालही त्यांनी विचारला आहे. "शिवसेना अध्यक्ष उद्धव ठाकरे घोटाळेबाज प्रताप सरनाईक ना वाचवितात? लपवितात? ठाणे भायंदरचे मतदार कोविडच्या काळात आमदार कुठे गायब झाले विचारत आहेत?," असं ट्विट त्यांनी केलं आहे. Is CM Uddhav Thackeray Protecting MLA Pratap Sarnaik Scamster? Thane Bhayandar Voters asking Where is the MLA in COVID Pandemic? शिवसेना अध्यक्ष उद्धव ठाकरे घोटाळेबाज प्रताप सरनाईक ना वाचवितात? लपवितात? ठाणे भायंदर चे मतदार विचारत आहे कोविड चा काळात आमदार कुठे गायब झाले आहे? pic.twitter.com/8HGQdZmO3Y — Kirit Somaiya (@KiritSomaiya) May 19, 2021 लोणावळ्यातील कुणेगाव परिसरात प्रताप सरनाईक यांचा बंगला आहे. बेहिशेभी मालमत्ता प्रकरणात ईडी प्रताप सरनाईक आणि त्यांच्या मुलाची चौकशी करण्यात आली होती. ईडीकडून सरनाईक यांना चौकशीसाठी बोलावण्यात आलं होतं. मंगळवारी सकाळी सरनाईक यांच्या लोणावळ्यातील फार्म हाऊसवर ईडीचे चौकशी पथक धडकलं. यावेळी त्यांनी प्रसारमाध्यमांशी बोलणं टाळलं.