27 January 2021

News Flash

‘ते’ कायम का घरी बसलेले असतात याचा उलगडा झाला; ईडीच्या कारवाईनंतर भातखळकरांचा टोला

ठाण्यात लागलेल्या आगीच्या झळा मुंबई पर्यंत पोहचतील ही भीती असावी काय?, भातखळकरांचा सवाल

संग्रहित छायाचित्र

शिवसेना नेते आमदार प्रताप सरनाईक यांच्यावर ईडीकडून कारवाई करण्यात आली. प्रताप सरनाईक यांचे सुपुत्र पूर्वेश सरनाईक, विहंग सरनाईक यांच्या घरीदेखील ईडीचं पथक पोहोचलं होतं. त्यानंतर ईडीने विहंग सरनाईक यांना ईडीनं ताब्यात घेतल्याचं समोर आलं होतं. यावरून आता आरोप प्रत्यारोपांना आणि राजकीय प्रतिक्रियांना सुरूवात झाली आहे. भाजपा नेते आमदार अतुल भातखळकर यांनी यावरून राज्य सरकारवर निशाणा साधला आहे. तसंच ते कायम घरी का बसलेले असतात याचा उलगडा झाला असं म्हणत भातखळकर यांनी टोलाही लगावला आहे.

“कंगना आणि अर्णब गोस्वामी प्रकरणी पोलीस दलाचा दुरुपयोग करणारे राज्यातील ठाकरे सरकार ईडीच्या कारवाईवर काय म्हणून कोकलते आहे? हवालाचे घपले झाले असतील तर सगळा मामला समोर येऊ दे. काही काळेबेरे नसेल तर इतका थयथयाट कशाला?,” असा सवाल भातखळकर यांनी केला आहे.

“काय प्रॉब्लेम आहे ठाकरे सरकारचा? ड्रगवाल्यांवर कारवाई केली तरी यांना त्रास होतो, हवाला आणि काळ पैसा प्रकरणी कारवाई केली तरी खाली वर होतात. मग कारवाई काय फक्त सॉफ्टटार्गेट असलेल्या पत्रकार आणि कंगनासारख्या अभिनेत्रीवर व्हावी का?,” असंही ते म्हणाले. ठाण्यात लागलेल्या आगीच्या झळा मुंबई पर्यंत पोहचतील ही भीती असावी काय? पण चिंता कशाला? कायद्यापेक्षा कोणी मोठे नसल्याचंही भातखळकर यांनी नमूद केलं.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 24, 2020 5:04 pm

Web Title: bjp leader atul bhatkhalkar criticize shiv sena after ed pratap sarnaik thane maharashtra twitter republic tv arnab goswami kangana ranaut jud 87
Next Stories
1 “…रस्त्यावर उतरून राजकारण करतायत,” उद्धव ठाकरेंची थेट मोदींकडे तक्रार
2 केंद्र सरकारकडून जनतेची दररोज लूट; तपास यंत्रणाचा राजकीय कारणांसाठी वापर – बाळासाहेब थोरात
3 प्रताप सरनाईकांवरील कारवाईवर शरद पवारांची पहिली प्रतिक्रिया, म्हणाले…
Just Now!
X