04 August 2020

News Flash

..यांचं काही खरं नाही, फडणवीसांनी दोन तासात प्रश्न सोडवले असते-चंद्रकांत पाटील

चंद्रकांत पाटील यांची ठाकरे सरकारवर टीका

तुमच्यात मतभेद आहे हे आम्ही बोलायचं नाही का? चौथीची मुलगीही सांगेल यांचं काही खरं नाही.. करोना संकटात देवेंद्र फडणवीसांकडे फक्त दोन तास मागितले असते तर त्यांनी दोन तासांमध्ये कितीतरी प्रश्न सोडवले असते. पण ही मदत घ्यायला यांचा इगो आडवा येतो आहे. असं चंद्रकांत पाटील यांनी म्हटलं आहे. महाविकास आघाडी आणि उद्धव ठाकरे यांच्यावर चंद्रकांत पाटील यांनी पुन्हा एकदा या शब्दांमध्ये टीकास्त्र सोडलं आहे.

लॉकडाउन की अनलॉक अजून कळत नाही. मतभेद आणि गोंधळ संपत नाहीत. लॉकडाउनमध्ये जेवढे कडक निर्बंध नव्हते तेवढे अनलॉकमध्ये घालून ठेवले आहेत लोकांनी नेमकं काय करायचं? असाही प्रश्न चंद्रकांत पाटील यांन विचारला आहे. एका मराठी वृत्तवाहिनीला दिलेल्या मुलाखतीत चंद्रकांत पाटील यांनी ही टीका केली आहे.

आणखी काय म्हणाले चंद्रकांत पाटील?
“मुंबईत एवढे मूर्खपणाचे निर्णय घेतले जात आहेत की त्यावर काही बोलायलाच नको. आजार राहिला बाजूला पण सामान्य माणूस वैतागला आहे. आम्ही काही बोललो की जितेंद्र आव्हाड आणि जयंत पाटील लगेच बोलतात सत्तेची हाव लागली आहे. तुमच्यात मतभेद आहेत तर आम्ही बोलायचं नाही का? चौथीची मुलगीही सांगेल यांचं काही खरं नाही” असा हल्लाबोल चंद्रकांत पाटील यांनी केला.

” मुख्यमंत्री आणि सत्ताधाऱ्यांचा लोकांशी काहीही संबंध नाही. आम्ही सत्तेत असताना विरोधकांना विचारात घेत होतो. एकट्या देवेंद्र फडणवीसांना जरी दोन तास मागितले असते, पण ही मदत घ्यायला इगो आडवा येतो. ”

 

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 2, 2020 4:52 pm

Web Title: bjp leader chandrkant patil slams uddhav thackeray government scj 81
टॅग Devendra Fadnavis
Next Stories
1 करोना नियंत्रणासाठी मुंबईप्रमाणेच प्रत्येक जिल्ह्यात टास्क फोर्स-अमित देशमुख
2 जुलै महिन्यात राज्यात सर्वत्र चांगल्या पावसाचा अंदाज – IMD
3 महाराष्ट्रात आत्तापर्यंत ९३ हजार करोना रुग्णांना डिस्चार्ज-राजेश टोपे
Just Now!
X