News Flash

ज्यांचा मुख्यमंत्री त्यांनाच भोपळा, मित्रपक्षांनीच…; नितेश राणेंचा टोला

विधान परिषद निवडणुकांत महाविकास आघाडीला मोठं यश

विधान परिषदेच्या पदवीधर व शिक्षक मतदारसंघांत अनपेक्षितपणे भाजपाला मोठा फटका बसला आहे. नागपूर आणि पुणे या भाजपने प्रतिष्ठेच्या केलेल्या पदवीधर मतदारसंघांमध्ये महाविकास आघाडीच्या उमेदवारनं विजय मिळवला आहे. पुणे मतदारसंघात तब्बल २० वर्षांनंतर भाजपाला पराभवाचं तोंड पाहवं लागलं आहे. दरम्यान, यानंतही भाजपा नेते नितेश राणे यांनी मुख्यमंत्री उद्धव ठाकरे आणि महाविकास आघाडीवर निशाणा साधला आहे.

“ठीक आहे आम्ही कमी पडलो, पण ज्यांचा मुख्यमंत्री त्यांना भोपळा…मित्र पक्षानीच रचला मृत्यूचा सापळा..बाकी मैदानात परत भेटूच,”असं म्हणत नितेश राणे यांनी निशाणा साधला. त्यांनी ट्वीटरच्या माध्यमातून आपली प्रतिक्रिया दिली. दरम्यान, या निवडणुकीत भाजपाला केवळ १ आणि महाविकास आघाडीला ५ जागांवर विजय मिळवता आला आहे.

आणखी वाचा- शिवीगाळ करत निलेश राणेंनी महाविकास आघाडीतील घटक पक्षांवर टीका; म्हणाले…

पुणे पदवीधर मतदार संघात एक लाख २२ हजार १४५ अशी सर्वाधिक मते घेत महाविकास आघाडीचे अरुण लाड विजयी झाले आहेत. भाजपाच्या संग्राम देशमुख यांना ७३ हजार ३२१ मते पडली आहेत. विजयासाठी एक लाख १५ हजार मतांचा कोटा निश्चित करण्यात आला होता.

आणखी वाचा- एकही जागा न जिंकलेल्या शिवसेनेनं आत्मपरीक्षण करावं – फडणवीस

नागपूरमध्येही भाजपाला धक्का

विरोधी पक्षनेते देवेंद्र फडणवीस यांचा बालेकिल्ला समजला जाणारा नागपूर पदवीधर मतदारसंघातही भाजपाला धक्का बसला आहे. पहिल्या पाचही फेरीमध्ये भाजपाची पिछेहाट आहे. महाविकास आघाडीनं भाजपाच्या गडाला सुरुंग लावत जोरदार मुसंडी मारली आहे. नागपूर मतदार संघात अभिजित वंजारी यांचा विजय झाला आहे. वंजारी यांनी पहिल्या फेरीपासूनच आघाडी घेतली होती. भाजपाचे संदीप जोशी हे दुसऱ्या क्रमांकावर राहिले.

औरंगाबादमधूनन सतीश चव्हाण यांची विजयाची हॅटट्रिक

औरंगाबाद पदवीधर मतदारसंघातून सलग दोन वेळा विजयी ठरलेले राष्ट्रवादी काँग्रेसचे उमेदवार सतीश चव्हाण यांनी विजयाची हॅटट्रिक साधली आहे. महाविकास आघाडीचे सतीश चव्हाण पुन्हा एकदा विजयी झाले आहेत. सतीश चव्हाण यांना तब्बल ११६६३८ मते मिळाली आहेत. तर भाजपाच्या शिरीष बोराळकर यांना ५८७४३ मतांवर समाधान मानावं लागलं आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on December 4, 2020 4:04 pm

Web Title: bjp leader nitesh rane criticize mahavikas aghadi cm uddhav thackeray vidhan parishad election results jud 87
Next Stories
1 गैरप्रकार करणाऱ्या रक्तपेढ्यांवर दंडात्मक कारवाई
2 “भाजपाच्या नेत्यांना स्वप्नं पडतात की ‘ऑपरेशन लोटस’ करु, महाविकास आघाडीच्या आमदारांना…”; जयंत पाटलांचा टोला
3 “हिंमत असेल तर…”; चंद्रकांत पाटील यांचं महाविकास आघाडीला आव्हान
Just Now!
X