14 August 2020

News Flash

उद्यापासून राज्यात पुन्हा चांगल्या पावसाची शक्यता

निवारी दिवसभरात राज्यात काही ठिकाणी तुरळक पावसाने हजेरी लावली.

संग्रहित छायाचित्र

मुंबई : सोमवारपासून राज्यात पुन्हा चांगल्या पावसाची शक्यता हवामान विभागाने वर्तवली आहे. दक्षिण कोकणात जोरदार, अंतर्गत भागात मध्यम पाऊस पडू शकतो. तर विदर्भात मंगळवारपासून पावसाची शक्यता असल्याचे विभागाने सांगितले.

जुलैच्या पहिल्या आठवडय़ात किनारपट्टीसह राज्यभरात मान्सून सक्रीय होणे, दक्षिण गुजरातमधील चक्रवाती वर्तुळाकार स्थितीमुळे अनेक ठिकाणी पावसाने दमदार हजेरी लावली. मुंबई आणि ठाणे जिल्ह्यात अतिवृष्टीदेखील झाली. त्यानंतर गेल्या तीन दिवसात पावसाचे प्रमाण कमी झाले होते.

सोमवारपासून पुन्हा मान्सून सक्रीय होत असून दक्षिण कोकणात मुसळधार तर मध्य महाराष्ट्रात तसेच अंतर्गत भागात मध्यम स्वरुपाचा पाऊस पडण्याची शक्यता आहे. पावसाच्या दिर्घकालिन विस्तारीत पूर्वानुमानानुसार १६ जुलैपर्यंत अनेक ठिकाणी मध्यम ते मुसळधार पावसाची शक्यता हवामान विभागाने वर्तवली आहे. त्यानंतरच्या दोन आठवडय़ात मराठवाडय़ात काही प्रमाणात पावसाचे प्रमाण कमी होईल मात्र इतर ठिकाणी मध्यम स्वरुपाचा पाऊस राहील.

शनिवारी दिवसभरात राज्यात काही ठिकाणी तुरळक पावसाने हजेरी लावली. रविवारी ठाणे, रायगड, रत्नागिरी आणि सिंधुदुर्ग जिल्ह्यात काही ठिकाणी मुसळधार पावसाची शक्यता असून, सोमवारी संपूर्ण किनारपट्टीवर आणि कोल्हापूर व सातारा जिल्ह्यातील घाटमाथ्यावर मुसळधार पाऊस पडू शकतो.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 12, 2020 3:05 am

Web Title: chance of good rains in maharashtra again from tomorrow zws 70
Next Stories
1 एसटीवर आर्थिक संकट
2 कोल्हापूर : करोना प्रादुर्भावाच्या पार्श्वभूमीवर जिल्ह्यातील मंत्र्यांनी घेतली आढावा बैठक
3 उस्मानाबाद : सहा कैद्यांसह १९ जण करोना पॉझिटिव्ह
Just Now!
X