06 July 2020

News Flash

चंद्रपूर : शेतात काम करणारा एकजण वाघाच्या हल्ल्यात ठार

यापूर्वी याच परिसरात चारवेळा वाघाने हल्ला केल्याच्या घटना घडल्या आहेत.

संग्रहित छायाचित्र

चिमूर तालुक्यातील ताडोबा कोअर व बफर झोन लगत असलेल्या शेतात काम करणाऱ्या एका व्यक्तीवर वाघाने हल्ला केला. या हल्ल्यात संबंधित व्यक्तीचा मृत्यू झाला आहे.

वनाधिकाऱ्यांच्या माहितीनुसार, राज्यपाल दयाराम नागोसे (वय ४०, रा. बाम्हणगांव) या व्यक्तीचा आपल्या शेतात काम करीत असताना जवळच दबा धरुन बसलेल्या वाघाने हल्ला केल्याने मृत्यू झाला आहे. ताडोबा कोअर व बफर झोन लगत सातारा शेतशिवारातील जंगलामधील आपल्या शेतात नागोसे काम करीत होते. वाघाने सायंकाळी साडेपाच वाजण्याच्या सुमारास त्यांच्यावर हल्ला चढवला.

यापूर्वी याच परिसरात चारवेळा वाघाने हल्ला केल्याची घटना घडली आहे. गावालगत जंगल असल्याने वाघ व इतरही वन्यप्राण्यांचा या भागात नेहमीच वावर असतो. यापूर्वी कोलारा येथील शेतकरी व महिलेला तसेच सातारा येथील महिलेला वाघाने ठार मारले होते. त्यामुळे या परिसरातील नागरिकांमध्ये भीतीचे वातावरण आहे.

दरम्यान, मृत शेतकऱ्याचा मृतदेह शवविच्छेदनासाठी चिमूर उपजिल्हा रुगणल्यात नेण्यात आला आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 4, 2020 9:54 pm

Web Title: chandrapur a farm worker killed in a tiger attack aau 85
Next Stories
1 बुलडाणा जिल्ह्यात आणखी दोन रुग्ण
2 दिल्लीतून वाशिम जिल्ह्यात आलेल्या महिलेला बाधा
3 वर्धा : कस्तुरबा हेल्थ सोसायटीच्या कर्मचा-यांनी ‘पीएम केअर फंड’ला दिले एक दिवसाचे वेतन
Just Now!
X