News Flash

चंद्रपूर : गृह विलगीकरण नियमाचा भंग करणाऱ्या राईस मिल मालकांविरूध्द गुन्हा दाखल

मूल येथील साईकृपा राईस मिल व ओम साईराम राईस मिलच्या संचालकांविरूध्द कारवाई

प्रतिकात्मक छायाचित्र

करोना टाळेबंदीत बिहार राज्यातून मजूर आणल्यानंतर १४ दिवसांच्या गृह विलगीकरण नियमांचे पालन न करणाऱ्या मूल येथील साईकृपा राईस मिल व ओम साईराम राईस मिलच्या संचालकांविरूध्द गुन्हा दाखल करण्यात आल्याने खळबळ उडाली आहे. विशेष म्हणजे या दोन्ही राईस मिलमध्ये २५ पेक्षा अधिक मजूरांना करोनाची लागन झाली आहे.

करोना टाळेबंदीत १४ दिवसांच्या गृह विलगीकरण नियमांचे पालन करण्याचे पालकमंत्री विजय वडेट्टीवार व जिल्हाधिकारी डॉ.कुणाल खेमनार यांनी कडक निर्देश दिले आहेत. मात्र आजही गृह विलगीकरण पाळले जात नसल्याची धक्कादायक बाब समोर आली आहे. मूल येथील साईकृपा राईस मिलचे संचालक व्यंकण्णा चकू व सहदेव भोयर तसेच ओमसाईराम राईस मिलचे संचालक दादाजी येरणे यांनी बिहार राज्यातून कामासाठी मजूर आणले. मजूर आणतांना विलगीकरण तथा गृह विलगीकरण आदेशाचे सक्त पालन करावे असे या दोन्ही राईस मिल मालकांना सांगण्यात आले होते. मात्र, त्यांनी या आदेशाचे पालन केले नाही. त्याचा परिणामी या दोन्ही राईस मिलमध्ये २५ पेक्षा अधिक करोनाबाधित आढळून आले.

या प्रकरणी मूलचे तहसीलदार यांच्या तक्रारीवरून साईकृपा व ओमसाईराम राईस मिलच्या मालकांविरूध्द गुन्हा दाखल करण्यात आला आहे. यापूर्वी जानाळा येथे ५० लोकांची परवानगी असतांना १३० पेक्षा अधिक लोकांना निमंत्रीत करून विवाह समारंभ साजरा करणाऱ्या आयोजकाविरूध्दही गुन्हा दाखल करण्यात आलेला आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 27, 2020 5:29 pm

Web Title: chandrapur case filed against rice mill owners violating home separation rules msr 87
टॅग : Coronavirus
Next Stories
1 मुख्यमंत्री उद्धव ठाकरेंच्या जन्मदिनी भाजपाकडून अपशकुन : हसन मुश्रीफ
2 शासनाकडून देय असलेली शिष्यवृत्ती न मिळाल्यामुळे विद्यार्थ्याचे प्रवेश रद्द करू नये : वड्डेटीवार
3 “सत्ता, पैसा आणि राज्यपाल कार्यालयाचा वापर करुन लोकशाहीच्या हत्येचा भाजपाचा प्रयत्न”
Just Now!
X