News Flash

तुरुंगात भुजबळांच्या व्हीआयपी ट्रीटमेंटची चौकशी, कारागृह विभागाचे आदेश

कारागृह उपमहानिरीक्षक स्वाती साठे चौकशी करणार

छगन भुजबळ (संग्रहित छायाचित्र)

बेहिशेबी मालमत्तेप्रकरणी आर्थर रोड तुरुंगात असलेले छगन भुजबळ आणि समीर भुजबळ यांना तुरुंगात मिळणाऱ्या ‘व्हीआयपी ट्रीटमेंट’ची आता चौकशी होणार आहे. कारागृह विभागाने याप्रकरणात कारागृह उपमहानिरीक्षक स्वाती साठे यांच्या मार्फत चौकशी करण्याचे आदेश दिले आहेत.

आर्थिक गैरव्यवहार आणि बेहिशेबी मालमत्तेप्रकरणी तुरुंगात असलेल्या छगन भुजबळ आणि समीर भुजबळ यांना तुरुंगात व्हीआयपी ट्रीटमेंट मिळत असल्याचा आरोप सामाजिक कार्यकर्त्या अंजली दमानिया यांनी केला होता. याप्रकरणी दमानिया यांनी कारागृह विभागाच्या अतिरिक्त अधीक्षकांकडे ईमेलद्वारे तक्रारही केली होती. छगन भुजबळ यांना तुरुंगात टीव्ही उपलब्ध करुन देण्यात आले असून यावर ते हिंदी चित्रपट बघत असल्याचा दावा दमानिया यांनी केला होता. याशिवाय त्यांना तुरुंगात जेवणात चिकन मसाला, दर दोन तासांनी फळ आणि समीर भुजबळांना व्होडकाही उपलब्ध करुन दिली जात असल्याचे दमानिया यांनी ईमेलमध्ये म्हटले होते. समीर भुजबळ यांना दररोज तीन तास तुरुंगात मोबाईलवर बोलण्याची मुभा दिली जाते असे आरोप त्यांनी केला होता.

दमानिया यांच्या तक्रारीची दखल कारागृह विभागाने घेतली आहे. कारागृह विभागाने उपमहानिरीक्षक स्वाती साठे यांना या प्रकरणाच्या चौकशीचे निर्देश दिले आहेत. दमानिया यांनी ट्विटरवरुन ही माहिती दिली आहे. याप्रकरणात शुक्रवारी साठे यांची भेट घेणार असल्याचे दमानिया यांनी म्हटले आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 17, 2017 8:49 pm

Web Title: chhagan bhujbal vip treatment case arthur road jail maharashtra prisons department set up inquiry under dig swati sathe
Next Stories
1 उमटे धरणातून अशुद्ध, गाळयुक्त पाणीपुरवठा
2 पुराव्याच्या कागदपत्रांविनाच चौकशीचा निर्णय
3 चलन तुटवडय़ाने एटीएम सेवा विस्कळीत
Just Now!
X