16 January 2021

News Flash

‘सामना’चे फक्त संपादक बदलले; रश्मी ठाकरेंकडं सूत्र गेल्यानंतर उद्धव यांचं ‘ठाकरे’ शैलीत उत्तर

विधान भवनात घेतली पत्रकार परिषद

मुख्यमंत्री पदाची सूत्र हाती घेतल्यानंतर शिवसेनेचे पक्षप्रमुख उद्धव ठाकरे यांनी दैनिक ‘सामना’च्या संपादक पदाचा राजीनामा दिला होता. त्यानंतर शिवसेनेचे नेते खासदार संजय राऊत यांच्याकडे संपादक पदाची जबाबदारी देण्यात आली होती. त्यानंतर दोन महिन्यांनी उद्धव ठाकरे यांच्या पत्नी रश्मी ठाकरे यांची सामनाच्या संपादकपदी नियुक्ती करण्यात आली. सामनात झालेल्या पद बदलावर मुख्यमंत्री उद्धव ठाकरे यांनी भाष्य केलं.

अर्थसंकल्पीय अधिवेशन सुरू असून, मुख्यमंत्री उद्धव ठाकरे यांनी दुपारी विधान भवनात पत्रकार परिषद घेतली. यात त्यांनी राज्य सरकारकडून आणण्यात आलेल्या आणि नियोजित योजनांबद्दल माहिती दिली. त्याचबरोबर अयोध्या दौरा आणि शेतकरी कर्जमाफीसह विविध विषयावर भूमिका मांडली. पत्रकार परिषदेच्या सुरूवातीलाच उद्धव ठाकरे यांनी सामनामध्ये झालेल्या बदलावर भाष्य केलं.

आणखी वाचा- आई संपादक झाली…आदित्य ठाकरे म्हणतात…

मुख्यमंत्री ठाकरे म्हणाले, “सामनाच्या संपादक पदाची जबाबदारी खासदार संजय राऊत यांच्याकडून रश्मी ठाकरे यांच्याकडं देण्यात आली आहे. मात्र, संपादकीय विभागाची जबाबदारी संजय राऊत यांच्याकडेच आहे. संपादक बदलल्यानंतर सामनाची भाषा आणि दिशा बदलेल असं बोललं जात आहे. पण, सामनाची भाषा आहे तशीच राहिल. सामनाची भाषा ही पितृभाषा आहे. बाळासाहेबांकडून आलेली आहे. त्यामुळे सामनाची भाषा आणि दिशा कधीच बदलणार नाही,” असं उद्धव ठाकरे म्हणाले.

आणखी वाचा- मुस्लिम आरक्षणाचा मुद्दा अद्याप माझ्यासमोर आलेला नाही : उद्धव ठाकरे

सामना आणि शिवसेना –

सामनामधून शिवसेनेची राजकीय भूमिका, विचार प्रखरपणे मांडले जातात. शिवसेना नेते आणि खासदार संजय राऊत सामनाचे कार्यकारी संपादक आहेत. सामनामध्ये लिहिले जाणारे अग्रलेख देशभरात चर्चेचा विषय असतात.  ९०च्या दशकात आपली राजकीय भूमिका, विचार महाराष्ट्रातील जनतेपर्यंत पोहोचवण्यासाठी दिवंगत शिवसेनाप्रमुख बाळासाहेब ठाकरे यांनी सामना या दैनिकाची सुरुवात केली. २३ जानेवारी, १९८९ रोजी मध्यरात्री ‘सामना’ दैनिकाची सुरुवात झाली. दादर येथील स्वातंत्र्यवीर सावरकर स्मारकात, मोठ्या थाटामाटात शिवसेनाप्रमुख बाळासाहेब ठाकरे यांच्या शुभहस्ते ‘सामना’चे प्रकाशन करण्यात आले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 3, 2020 12:35 pm

Web Title: chief minister uddhav thackeray press conference bmh 90 2
Next Stories
1 धक्कादायक : सोलापुरात बाप लेकीच्या नात्याला काळीमा; मुलीवरच केला बलात्कार
2 सुनेचेच विवाहबाह्य संबंध होते; विद्या चव्हाण यांचा गौप्यस्फोट
3 मोदींचा सोशल मीडिया सोडण्याचा निर्णय देशहिताचा, आम्ही स्वागत करतो -राष्ट्रवादी
Just Now!
X