30 May 2020

News Flash

….म्हणून भर कार्यक्रमात मुख्यमंत्र्यांनी नाकारला तो पुष्पगुच्छ

पुण्यात सतीश मिसाळ एज्युकेशन फाउंडेशनच्या ब्रिक ग्रुप ऑफ इन्स्टिट्यूटचा पहिला पदवीदान समारंभ मुख्यमंत्री देवेंद्र फडणवीस यांच्या हस्ते पार पडला.

पुण्यात सतीश मिसाळ एज्युकेशन फाउंडेशनच्या ब्रिक ग्रुप ऑफ इन्स्टिट्यूटचा पहिला पदवीदान समारंभ मुख्यमंत्री देवेंद्र फडणवीस यांच्या हस्ते पार पडला. यावेळी आमदार माधुरी मिसाळ यांच्या हस्ते मुख्यमंत्री देवेंद्र फडणवीस यांचा विशेष सत्कार करण्यात आला. मुख्यमंत्र्यांचा सत्कार करताना माधुरी मिसाळ त्यांना पुष्पगुच्छ देत होत्या.

त्या पुष्पगुच्छाला प्लास्टिकचे आवरण असल्याचे लक्षात येताच मुख्यमंत्र्यांनी तो पुष्पगुच्छ स्वीकारण्यास नकार दिला. या कृतीतून मुख्यमंत्र्यांनी त्यांची प्लास्टिक बंदीबाबत असलेली सर्तकता-जागरुकता दाखवून दिली.

यापूर्वी काही सार्वजनिक कार्यक्रमांमध्ये प्लास्टिकचा संबंध असलेल्या भेटवस्तू स्वीकारल्याने राजकीय नेत्यांवर टीका झाल्या आहेत. ब्रिक ग्रुप ऑफ इन्स्टिट्यूटच्या या कार्यक्रमाला महिला बालकल्याणमंत्री पंकजा मुंडे, महापौर मुक्ता टिळक आणि पुणे विद्यापीठाचे कुलगुरू नितीन कलमळकर तसेच भाजपचे पदाधिकारी देखील उपस्थित होते.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 20, 2018 12:10 pm

Web Title: cm devendra fadnavis refuse to accept flowers bouquet
टॅग Devendra Fadnavis
Next Stories
1 पुणे – विद्यार्थिनींना अश्लील व्हिडीओ दाखवणाऱ्या शिपायास अटक
2 वाहनखरेदी उतरणीला
3 ई-टॉयलेट्स महिलांसाठी असुरक्षित!
Just Now!
X