‘फेसबुक’वर विरोधी भूमिका मांडणाऱ्या तरुणास धमकी दिल्याबद्दल तृप्ती देसाई यांच्याविरुद्ध सांगली ग्रामीण पोलीस ठाण्यात आज तक्रार दाखल झाली आहे. या तक्रारीवरून देसाई यांच्याविरुद्ध पोलीस ठाण्यात अदखलपात्र गुन्हा नोंदविण्यात आला आहे.
याबाबत पोलीस ठाण्यातून मिळालेल्या माहितीनुसार बुधगाव येथील व्यापारी तथा अवामी पक्षाचे कार्यकत्रे अशरफ सलीम वांकर यांनी देसाई यांच्या भूमिकेला विरोध करणारी भूमिका ‘फेसबुक’वर लिहिली होती. यावर देसाई यांनी १६ एप्रिल रोजी सकाळी वांकर यांना मोबाइलवरून संवाद साधत दमदाटी केली. ‘तुला मस्ती आली आहे का? मी महाराष्ट्रभर फिरत असते. माझे कमीजास्त झाले तर तुझेच नाव पोलीस गुप्त वार्ता विभागाला कळवेन.’ अशी धमकी दिली असल्याची तक्रार वांकर यांनी दाखल केली आहे. या तक्रारीवरून सांगली ग्रामीण पोलीस ठाण्यात देसाई यांच्याविरुद्ध अदखलपात्र गुन्हा दाखल करण्यात आला असल्याचे सूत्रांकडून सांगण्यात आले.

या बातमीसह सर्व प्रीमियम कंटेंट वाचण्यासाठी साइन-इन करा
मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Complaint registered of threat against trupti desai
First published on: 17-04-2016 at 03:30 IST