सावंगी येथील करोनाबाधित महिलेच्या घरातील एक १९ वर्षीय महिला करोना पॉझिटिव्ह तर इतर तीन व्यक्तींचे नमुने निगेटिव्ह आले आहेत. या महिलेला सावंगी येथील विनोबा भावे रुग्णालयात उपचारांसाठी भरती करण्यात आले आहे. विशेष म्हणजे या महिलेचं केशकर्तनालयाचं दुकान आहे. करोना पॉझिटिव्ह निघालेली महिला ही रुग्ण महिलेची नणंद आहे. ती आपल्या भावासह सावंगी परिसरात सलून चालवीत असल्याची माहिती मिळते. या सलूनमध्ये सावंगीच्या रुग्णालयातील डॉक्टर कटिंग करण्यास येत असल्याने तर्कवितर्कांना सध्या शहरात उधाण आले आहे. आर्वी शहरात अकोल्याहून माहेरी आलेली महिला करोनाबाधित दरम्यान, आर्वी शहरात अकोल्याहून माहेरी आलेली २४ वर्षीय महिला करोनाबाधित असल्याचे समोर आले आहे. ही महिला आपल्या एक महिन्याच्या बाळाला घेऊन २४ मे रोजी अकोला येथून आर्वी येथे आली होती. तिला होम क्वारंटाइन करण्यात आलं होतं. तिच्या स्वॅबचे नमुने तपासणीसाठी पाठविण्यात आले होते. याचा अहवाल आज प्राप्त झाला, यामध्ये ती करोनाबाधित असल्याचे पुढे आले. त्यामुळे वर्ध्यातील एकूण रुग्ण संख्या आता १८ वर पोहचली आहे.
