06 August 2020

News Flash

उस्मानाबाद शहरात करोनाचा कहर; दोन डॉक्टरांसह ११ नवे करोनाबाधित

दिवसभरात तीन रुग्णांचा मृत्यू

संग्रहित छायाचित्र

उस्मानाबाद जिल्ह्यात विशेषतः उस्मानाबाद शहरात करोनाचा मोठ्या प्रमाणात कहर पाहावयास मिळत आहे.  एकूण करोना रुग्णांच्या संख्येत रविवारी संध्याकाळी आणखी ११ कोरोनाबाधितांची भर पडली. तर,आज दिवसभरात एकूण २४ रुग्णांची भर पडली आहे. रविवारी रात्री प्राप्त झालेल्या प्रलंबित रिपोर्टमध्ये कोविड सेंटरमधील एक फिजिशियन व एक बालरोग तज्ज्ञ असे दोन डॉक्टर कोरोनाबाधित असल्याचे समोर आल्याने खळबळ उडाली आहे.

उस्मानाबाद जिल्हा रुग्णालयामार्फत डॉ. बाबासाहेब आंबेडकर मराठवाडा उपकेंद्र उस्मानाबाद येथील प्रयोगशाळेत २५ जुलै रोजी पाठविलेल्या स्वॅबपैकी प्रलंबित ५३ रिपोर्ट्स रविवारी संध्याकाळी प्राप्त झाले. यामध्ये उस्मानाबाद शहरातील ११ जणांचा अहवाल पॉझिटिव्ह आला आहे. यात बजाज हौसिंग सोसायटीतील ३ तर समता कॉलनी, लक्ष्मीनगर, माणिक चौक, सिव्हील क्वार्टरमधील एक बालक, माणिक चौक, तांबरी विभाग,महात्मा गांधी नगर, ख्वाजा नगर या भागात प्रत्येकी एक रुग्ण आढळून आला आहे. तर दोघांचे अहवाल संदिग्ध आले आहेत. उर्वरित ४० जणांचे अहवाल निगेटिव्ह आले आहेत. दरम्यान, माणिक चौक येथे आढळून आलेल्या ३८ वर्षीय महिलेचा उपचारादरम्यान मृत्यू झाला. तर दिवसभरात मृत्यू झालेल्यांची संख्या तीन झाली आहे.

२६जुलैच्या रात्रीपर्यंत जिल्ह्यात कोरोनाची बाधा झालेल्यांची संख्या ६५७ वर पोहचली असून ४२२ जणांना उपचाराने बरे झाल्यानंतर घरी पाठविण्यात आले आहे. तर १९७ जणांवर उचार सुरू असून ३८ जणांचा मृत्यू झाला आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 26, 2020 10:04 pm

Web Title: coronas havoc in osmanabad city 11 new corona affected with two doctors msr 87
टॅग Coronavirus
Next Stories
1 रायगड जिल्ह्यात आज करोनाचे ४४९ नवे रुग्ण, ९ जणांचा मृत्यू
2 राज्यात दिवसभरात ९ हजार ४३१ नवे करोनाबाधित, २६७ जणांचा मृत्यू
3 उद्धव ठाकरेंना नाण्याची एकच बाजू ठाऊक, तुकाराम मुंढेंच्या वक्तव्यावरून काँग्रेस आमदाराचा घरचा आहेर
Just Now!
X