News Flash

Coronavirus : राज्यात दिवसभरात ६ हजार ७९९ रूग्ण करोनामुक्त ; रिकव्हरी रेट ९६.६६ टक्के

आज राज्यात १७७ करोनाबाधित रूग्णांचा मृत्यू झाल्याची देखील नोंद झाली.

corona maharashtra
राज्यात आज रोजी एकूण ७४ हजार ३१८ ॲक्टिव्ह रुग्ण आहेत.(प्रतिकात्मक छायाचित्र)

राज्य सरकारने काल ११ जिल्हे वगळता अन्य जिल्ह्यांमधील करोनाचे निर्बंध शिथिल केल. त्यानंतर, आज दुसऱ्या दिवशी राज्यभरात आढळलेली करोनाबाधितांची संख्या व करोनामधून बरे झालेल्यांच्या संख्येत फार कमी फरक दिसून आला. राज्यात दिवसभरात ६ हजार ७९९ रूग्ण करोनातून बरे झाले, तर ६ हजार ५ नवीन करोनाबाधित आढळून आले. याशिवाय, १७७ करोनाबाधितांचा मृत्यू झाल्याची देखील नोंद झाली. राज्यात दररोज आढळणारी करोनाबाधितांची संख्या ही करोनामुक्त झालेल्यांच्या तुलनेत कधी कमी तर कधी जास्त आढळून येत आहे. तर, करोनाबाधितांच्या मृत्यू संख्येत मात्र रोज भर पडतच आहे. दरम्यान, काल दिवसभरात राज्यात आढळलेल्या करोनाबाधितांच्या तुलनेत जवळपास दुप्पट रूग्ण करोनातून बरे झाले होते.

राज्यात आजपर्यंत एकूण ६१,१०,१२४ करोनाबाधित रुग्ण बरे होऊन घरी परतले आहेत. यामुळे राज्यातील रुग्ण बरे होण्याचे प्रमाण (रिकव्हरी रेट ) ९६.६६ टक्के एवढे झाले आहे. आता राज्यातील करोनाबाधित रुग्णांची एकूण संख्या ६३,२१,०६८  झाली आहे.  राज्यात आजपर्यंत १३३२१५ करोनाबाधितांचा मृत्यू झालेला आहे. सध्या राज्यातील मृत्यूदर २.१ टक्के एवढा आहे.

आजपर्यंत तपासण्यात आलेल्या ४,८५,३२,५२३ प्रयोगशाळा नमुन्यांपैकी ६३,२१,०६८ (१३.०२ टक्के) नमुने पॉझिटिव्ह आले आहेत. सध्या राज्यात ४,५१,९७१ व्यक्ती होमक्वारंटाईनमध्ये आहेत तर ३,००९ व्यक्ती संस्थात्मक क्वारंटाईनमध्ये आहेत. तर, राज्यात आज रोजी एकूण ७४ हजार ३१८ ॲक्टिव्ह रुग्ण आहेत.

देशातील १८ जिल्ह्यांमध्ये करोनाचे रुग्ण वाढतायत, महाराष्ट्रातील तीन जिल्ह्यांचा समावेश- केंद्रीय आरोग्य मंत्रालय

देशातील काही राज्यांमध्ये करोना रुग्णसंख्येत सातत्याने वाढ होत आहे. दुसऱ्या लाटेनंतर या प्रकरणातील तेजीमुळे केंद्र आणि राज्य सरकारची चिंता वाढली आहे. आरोग्य मंत्रालयाने मंगळवारी सांगितले की, देशभरात असे १८ जिल्हे आहेत, जिथे करोनाची नवीन प्रकरणे वाढत आहेत. यापैकी १० जिल्हे केवळ केरळमधील आहेत. तर महाराष्ट्रातील तीन जिल्ह्यांचा समावेश आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 3, 2021 7:55 pm

Web Title: coronavirus 6799 patients were cured of coronavirus in a day in the state msr 87
टॅग : Coronavirus
Next Stories
1 तीन वेळा आमदार व राज्यमंत्री राहिलेल्या शिवसेना नेत्याचा काँग्रेसमध्ये प्रवेश; नाना पटोलेंनी केलं स्वागत
2 “देशातला सर्वोत्तम खेळाडू टोक्योला पाठवलाच नाही”, ‘या’ पोस्टवरून भाई जगताप ट्रोल
3 शिर्डीत धक्कादायक प्रकार; लघुशंकेला जातो सांगून आरोपीने ट्रकच्या दिशेने धाव घेतली अन्….
Just Now!
X