News Flash

पृथ्वीराज चव्हाण करोना व्हायरसला बायोलॉजिकल टाइमबॉम्ब का म्हणाले?

कम्युनिटी ट्रान्समिशन होत असेल तर आपल्यासाठी ती धोक्याची घंटा आहे असे पृथ्वीराज चव्हाण म्हणाले.

(संग्रहित छायाचित्र)

करोना व्हायरस बाधितांची संख्या दररोज वाढत आहे. या वाढत्या संख्येवर नियंत्रण मिळवणं आवश्यक आहे. हा ग्राफ आटोक्यात आणावा लागेल. कम्युनिटी ट्रान्समिशन होत असेल तर आपल्यासाठी ती धोक्याची घंटा आहे असे पृथ्वीराज चव्हाण म्हणाले. ते एका वृत्तवाहिनीवर बोलत होते.

“पाश्चिमात्य देशांच्या मनाने आपल्याकडे करोना बाधितांची संख्या कमी असली तरी धोका खूप मोठा आहे. कारण आपल्याला लोकसंख्येची कल्पना आहे. आरोग्य, स्वच्छतेची परिस्थिती सर्वानाच माहित आहे” असे पृथ्वीराज चव्हाण म्हणाले. “साक्षरतेची परिस्थिती काय आहे हे आपण पाहतोय, माहितीच्या आधारावर करोना विरोधातील हे युद्ध आपल्याला जिंकाव लागेल. तबलिगीच्या कार्यक्रमाला कोणी परवानगी दिली, यात मला पडायचं नाही पण त्यामुळे मोठा प्रश्न निर्माण झाला आहे” हे असे पृथ्वीराज चव्हाण म्हणाले.

आणखी वाचा- खासगी क्षेत्रातील डॉक्टरांनी काय घोडं मारलं आहे त्यांचा विमा का नाही ? पृथ्वीराज चव्हाण

“नांदेडच्या गुरुद्वारामध्ये दोन ते चार हजार लोक अडकले आहेत. एकाला करोनाची लागण झाली की, ती वेगाने पसरणार. हा बायलॉजिकल टाइमबॉम्ब आहे. गेल्या १०० वर्षात अशी साथ पसरली नव्हती” असे पृथ्वीराज चव्हाण म्हणाले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 11, 2020 11:18 am

Web Title: coronavirus is biological time bomb prithviraj chavan dmp 82
टॅग : Coronavirus
Next Stories
1 खासगी क्षेत्रातील डॉक्टरांनी काय घोडं मारलं आहे त्यांचा विमा का नाही ? पृथ्वीराज चव्हाण
2 नरेंद्र मोदींनी डोनाल्ड ट्रम्प यांच्यासमोर साक्षात लोटांगण घातलं – पृथ्वीराज चव्हाण
3 भारतानं जीडीपीच्या १०० टक्के इतकं कर्ज काढायला हवं – पृथ्वीराज चव्हाण
Just Now!
X