19 September 2020

News Flash

डोनाल्ड ट्र्म्प नी माझ्यात काय फरक? मुख्यमंत्री उद्धव ठाकरे सांगतात…

संजय राऊत यांनी शेअर केला उद्धव ठाकरेंच्या मुलाखतीचा प्रोमो

मी ट्रम्प नाही, डोळ्यांसमोर माझी माणसं तळमळताना पाहू शकत नाही अशा शब्दांत मुख्यमंत्री उद्धव ठाकरे यांनी आपल्या निर्णयाचं समर्थन केलं आहे. शिवसेना खासदार संजय राऊत यांनी मुख्यमंत्री उद्धव ठाकरे यांची मुलाखत घेतली असून त्याचा प्रोमो आपल्या ट्विटर अकाऊंटला शेअर केला आहे. यावेळी उद्धव ठाकरे यांनी अनेक विषयांवर बेधडकपणे उत्तरं दिली असल्याचं दिसत आहे. याच मुलाखतीत उद्धव ठाकरे आपण डोनाल्ड ट्रम्प नसल्याचं सांगत आहेत.

या प्रोमोमध्ये संजय राऊत यांनी उद्धव ठाकरेंना पहिल्या सहा महिन्यांचा कार्यकाळ, समोर उभी राहिलेली संकटं अशा अनेकांवर प्रश्न विचारलेली दिसत आहेत. संजय राऊत यांनी उद्धव ठाकरेंना महाराष्ट्रात लष्कर बोलावण्याची वेळ आली होती का ? मुंबईच्या रस्त्यावर वडापाव कधी मिळणार ? तसंच मंत्रालयात कमी गेल्याचा होणार आरोप याबंधीही विचारलं आहे.

उद्धव ठाकरेंनी संजय राऊत यांच्या प्रश्नांना उत्तर देताना, करोनासोबत राहायला सगळ्यांनी शिकलं पाहिजे. शहाणं व्हायचं की नाही हा ज्याचा त्याचा प्रश्न आहे, पण आपण तरी झालं पाहिजे असं सांगितलं आहे. तसंच उद्धव ठाकरेंनी यावेळी पहिले सहा महिने आव्हानं घेऊन आले होते. करोनाचं संकट कधी संपणार हेच आपल्याला माहिती नाही असंही सांगत आहेत. उद्धव ठाकरेंनी यावेळी अंतिम परीक्षांसंबंधी सविस्तर भूमिका मांडली असून मुलाखत प्रसिद्ध झाल्यानंतरच ते नेमकं काय बोलले आहेत याचा उलगडा होणार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 22, 2020 9:20 am

Web Title: coronavirus maharashtra cm uddhav thackeray says i am not donald trump interview by sanjay raut sgy 87
टॅग Coronavirus
Next Stories
1 गोंडवाना विद्यापीठ आणि संलग्न महाविद्यालयांची १ ऑगस्टपासून ऑनलाइन प्रवेश प्रक्रिया
2 बांधकाम कामगारांची उपेक्षा
3 खोलसापाडा धरणाचा मार्ग मोकळा
Just Now!
X