करोना व्हायरससोबत लढा देताना भारतात चाचणीसाठी योग्य ती सुविधा नसल्याची टीका केली जात होती. मात्र महिला विषाणूतज्ज्ञ मिनल दाखवे-भोसले यांनी दिवसरात्र मेहनत करत भारतातील पहिलं करोना टेस्ट किट तयार केलं आहे. उल्लेखनीय बाब म्हणजे मिनल भोसले या गर्भवती असतानाही करोना टेस्ट किट तयार करण्यासाठी झटत होत्या. करोना टेस्ट किट जन्माला घातल्यानंतर काही तासातच त्यांनी आपल्या बाळाला जन्म दिला. मायलॅब डिस्कव्हरी भारतातील पहिली फार्माकंपनी आहे ज्यांना टेस्ट किटची निर्मिती तसंच विक्री करण्याची परवानगी मिळाली आहे. टेस्ट किट तयार केल्यानंतर पुणे, मुंबई, दिल्ली, गोवा आणि बंगळुरु येथील १५० लॅबना पाठवण्यात आलं आहे.

या बातमीसह सर्व प्रीमियम कंटेंट वाचण्यासाठी साइन-इन करा

हे टेस्ट किट तयार करण्यात मायलॅबच्या संशोधन आणि विकास विभागाच्या प्रमुख असणाऱ्या विषाणूतज्ज्ञ मिनल भोसले यांचा मोलाचा वाटा आहे. प्रसुतीच्या काही तास आधीपर्यंत करोना निदानसाठी लागणाऱ्या या किटचं संशोधन त्या करत होत्या. “आमच्या किटच्या सहाय्याने फक्त अडीच तासात निदान होणार आहे. तर याउलट परदेशातून मागवण्यात आलेले किट सहा ते सात तास घेतात,” असं मिनल भोसले यांनी सांगितलं आहे. हे किट रेकॉर्ड टाइममध्ये बनवण्यात आल्याचंही मिनल भोसले सांगतात. हे किट बनवण्यासाठी तीन ते चार महिन्यांचा कालावधी देण्यात आला होता, पण आम्ही फक्त सहा आठवड्यांत हे किट तयार केलं आहे असं त्यांनी सांगितलं.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Coronavirus mylab research virologist minal dakhave bhosale delivered first testing kit before baby sgy
First published on: 28-03-2020 at 17:34 IST