24 November 2020

News Flash

राज्यात नव्या १५,७६५ करोनाबाधितांची नोंद; एकूण संख्या ८ लाखांवर

१० हजार ९७८ रुग्णांना रुग्णालयातून डिस्चार्ज

संग्रहित छायाचित्र

देशात आणि राज्यात करोनाचा प्रादुर्भाव मोठ्या प्रमाणात वाढत आहे. मंगळवारी राज्यात १५ हजार ७६५ नव्या करोनाबाधितांची नोंद करण्यात आली. त्यानंतर राज्यातील करोनाबाधितांची एकूण संख्या ८ लाख ८ हजार ३०६ वर पोहोचली आहे. तसंच राज्यात सध्या दोन लाखांच्या जवळपास अॅक्टिव्ह केसेस असून राज्यातील रुग्ण बरे होण्याचा दर ७२.३२ टक्क्यांवर पोहोचला आहे. तर दुसरीकडे दिवसभरात १० हजार ९७८ रुग्णांना रुग्णालयातून डिस्चार्ज देण्यात आला आहे.

मंगळवारी राज्यात १५ हजार ७५६ नव्या करोनाबाधितांची नोंद करण्यात आली. तर ३२० मृत्यूंचीही नोंद करण्यात आली. राज्यात सध्या १ लाख ९८ हजार ५२३ रुग्णांवर उपचार सुरू असून आतापर्यंत ५ लाख ८४ हजार ५३७ रूग्णांनी करोनावर मात केल्याची माहिती आरोग्य विभागाकडून देण्यात आली आहे. राज्यातील रुग्ण बरे होण्याचा दर ७२.३२ टक्के इतका झाल्याची माहिती आरोग्य विभागाकडून देण्यात आली. आतापर्यंत ४२ लाक ११ हजार ७५२ करोना चाचण्या करण्यात आल्या. त्यापैकी ८ लाख ८ हजार ३०६ रुग्णांची चाचणी पॉझिटिव्ह आल्याची माहितीही यावेळी देण्यात आली.

देशात करोना चाचण्यांची संख्या वाढत आहे. आतापर्यंत ४.३ कोटी पेक्षा जास्त चाचण्या झाल्या आहेत. मागील दोन आठवड्यांमध्ये १ कोटी २२ लाख ५१४ चाचण्या झाल्या आहेत. ज्या राज्यांमध्ये करोनाच्या सर्वाधिक चाचण्या होत आहेत, त्यामध्ये तामिळनाडू, उत्तर प्रदेश आणि महाराष्ट्र ही तीन राज्यं अग्रस्थानी आहेत. देशभरात मागील चोवीस तासांमध्ये दहा लाखांपेक्षा जास्त चाचण्या झाल्या आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 1, 2020 9:41 pm

Web Title: coronavirus pandemic patients numbers increased total patients crossed 8 lakh mark maharashtra jud 87
टॅग Coronavirus
Next Stories
1 चंद्रपूर जिल्ह्यातील पूरग्रस्तांना तातडीच्या मदतीचे वाटप सुरू
2 चंद्रपूर जिल्ह्यात 3 सप्टेंबरपासून कडक लॉकडाउनसाठी राज्य शासनाकडे प्रस्ताव सादर
3 “पूरग्रस्तांच्या घरांचे, व्यावसायिकांचे पुनर्वसन करण्यासाठी प्रक्रिया राबविणार”
Just Now!
X